عالم البنات النسائي كل ما يخص المرأة العربية من ازياء وجمال والحياة الزوجية والمطبخ
😀
السلام عليكم ورحمة الله وبركاته
كل عام وأنتم بخير … 
كيفكم بنوتات ..؟ >>>إن شاءالله دوم بخير وسعادة
بنات جامعة طيبة طالبات السنة التحضيرية لبرنامج العلوم التطبيقية
ولبقية البنوتات ادا مره عليكم دا الشي أتمنى أنكم تفيدوني فيه
بصراحة أنا عجزت وأنا أفكر فيه
المهم
مادة مهارات الحياة الجامعية
مادة أشبه ببرامج تطوير الدات تتكلم عن الوقت وادارته وتحديد الأهداف
وأشياء زي كدا يعني من دا الهرج
بصراحة الأستادة حقت المادة تطلب أشياء احنا مو متعودين عليها
يعني طلبت منا نحدد أهدافنا لمدة 5 سنين وعلى كل جوانب حياتنا
طيب شي ممكن لكنه صصصصصصصعب
بس يلا قدرنا عليه وفكرنا وقررنا وحددنا
لكن الموضوع تطور والمنهج تطور بزيادة
مطلوب منا نحط خطة دراسية لمدة فصل دراسي كامل
كل أسبوع احنا ايش حنسوي وكل يوم من السبت إلى الجمعة
ياناس بالله أنا كيف حعرف دا الشي
لا اختبارات واضحه متى مواعيدها يعني تجي الاستادة خلصت من دا الباب
قالت الاسبوع الجاي اختبار …
هدا الشي كيف ينحط في الخطة طيب
لو قلنا بس حنحط مواعيد المحاضرات ومواعيد تسليم الواجبات ومواعيد اختبارات الميدتيرم والاختبارات النهائية
والكويزات للناس اللي محدده من البداية ياليتها حتضرى
حتعتبروا غلط 
بالله قولولي ايش اسوي من بداية الاجازة وأنا أفكر كل مره افكر بفكرة تطلع مره مو ضابطة
شوي واتجنن من دي المادة 😆 hy:
قولولي اي حاجه تخطر ببالكم يمكن تفيديني وانتو مو حاسين يعني اي حاجة
ممكن يكون لها علاقة بالموضوع لو من بعيد بالله عليكم اكتبوها
إسألوا نفسكم نفس السؤال وشوفوا كيف طريقة تصميم الجدول
حتسوو جدول واحد ولا اكتر ولا كيف يعني من دي الحاجات
الكلام دا مو بس لبنوتات الجامعات اكيد حتى لغيرهم لانو الماده بصراحه
زي ماقلت في البداية لتطوير الدات
فرجوا همي الله يفرج همومك ويفتحها عليكم
الجدول المرسوم في الكتاب حاطين عدد الاسابيع بعدين الاسبوع وجنبه الايام
وتقول نقاصه كمان تحديد الاهداف وماني عارفه ايش كمان بس نفس الهرجه اللي قولتها اول
بنوتات عارفه مو وقته ووقت عيد بس دي الماده ماخلت عندي عيد
ووماكتبتلكم الا بعد ماعجزت نهائيا عن ايجاد اي فكره
انتظركم
فجر
