عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا انا قريت عن هالخلطه ومدحوها لي ناس كثير اللي جربتها تفيدنا
وبادعو الجميع يجربها على ضمانتي لاني سويتها والان الكل يسألني عن سر بياضي
ولقيت نتيجه مبهره جدا
وهذي مقادير وطريقة الخلطه
المقادير :
1- صابون الغار
2-ماءورد
3- علبتين جلوسليد الاحمر حجم صغير
4- علبة جليسرين السائل
5- فنجال قهوه من ( زيت الزيتون + زيت الخروع + زيت اللوز المر )
6- ملعقتين كبيره كركم للجسم مو للطبخ (وهذا بتلقونه عند العطار قولو كركم للجسم وهو بيعرف وش تبون )
7- علبة فكس صغيره واليكم الطريقه :
تبشرون الصابونه برش ناعم وبعدين تحطونها في كاس ماء ورد من الليل الى الصبح عشان يذوب الصابون في المويه وبعدين اذا اصبحتو تضيفون الجلوسليد والجليسرين السائل والزيوت وملعقتين كركم وعلبة الفكس الصغيره واخلطو المقادير جميعها في خلاط كهربائي عشان تختلط زين بعدين تحفظونها في علبه زجاج عشان تبقى نظيفه وتستخدمونها اطول فتره ممكنه وبعد كذا تحطونها على جميع مناطق الجسم (يعني الجسم كله حتى الوجه ) وتخلونها ساعتين وبعد كذا تجيبون ليفة الجسم اللي من بودي شوب صايره على شكل قفازات احسن من الليفه المغربيه وتحطون عليها ملح خشن وتعصرون ليمون فوق الملح ويالله تبدأون بفرك الجسم فرك جيد والله يطلع لكم كل شي وتحسون بالنظافه من اول استخدام وبعد كذا يبدأ التفتيح يوم ورى يوم :
ماقول لكم تحسن اللون لا اقول اللون صار قشطه بياض وروعه وبشره موحدة اللون شي والله شي
وترى بياض للابد بدون رجعه للسمار ……
جربو وبتشوفون …………..
(((((منقول
