بياض يبهر العيون قصه حقيقيه

كيفكم يا بنات انشاء الله طيبين انا طولت عليكم الغيبه
وحشتوني موت
هذه المرة جيتكم وابغاكم تواسوني
لأني شفت شي كذب الكلام وصصح كلام في موضوع البياض انا ماما دايم تخاصمني على الكريمات وتقلي كذب وما ادري ايش المهم عندي حكايه ما راح تصدقوها زمان كنت ادرس في مدرسه متوسطة اسمها الواحد وستون
بجده وكان معايا بنات في المدرسة اعرفهم المهم بعد ما خلصنا كل وحده راحت بحالها في ها الدنيا وشاء القدر انه يجمعنا ويفتحلي موضوع البياض بعد ما انا قفلته وبطلت افكر فيه كنت جالسه في بيت احد الجيران وفجئه دخلت وحده بياضها ما شاء الله كانها نيكول كيدمن والله العظيم فعلا بهرتنا بياضها الله يهنيها المهم سلمت علي وقالت ما عرفتيني قلتلها لا ما عرفتك قالت انا ف…….. الدقاقه اللي كنت ادرس معك بالمتوسطة على طول افتكرت الأسم بس اللون
قلت ف……..والتعجب مالي عيني قالت ايه حتقولي كيف تحول لونك من عبايه سوداء الى بيضاء
زي الثلج قلت ايوه بالله تقوليلي شوي اختها دقتها في خصرها وكأنها تقولها لا لاتقولي واختها ما تفرق عنها في البياض المهم حاولت اني اسالها بس الناس كانت جالسه حولينا واختها ملازمتها عشان لاتتكلم المهم خرجت والحسره تملئني
ورحت البيت وبكيت لما نمت بكيت انه اكيد في طريقة توفر علينا الفلوس اللي نظيعها على الكريمات والحبوب اللي باربع الاف من دون فايده بكيت لآنه في ناس محظوظين قدروا يوصلوا للي يبغوه وانا لو كنت مكانهم وما كنت حكتم شي
ويفضل السوال هل اللي شفته حلم خيال ولا واقع البنت كانت زي الفنانه عتاب اللحين زي نيكول كدمن ارجوكم فهموني ولا تقولوا الكلام نفسه ارضي بالنفسك وحمدي الله ومدري ويشوا لأن نحنا حامدين الله بس ما في مانع اننا نسعى ان نكون اجمل واحلى اه.اه.اه