بيتزا ومعجنات بعجينة العشر دقايق

صباح الفل ع عيوووووون my friends 😎
بما اني بقيت اسبوعيا بعمل معجنات وبيتزااااات لأنها سهلة ولطيفة
جبت طريقة عجينة العشر دقايق وعجبتني جدا وعايزاكو تجربوها لأنها سهلة وسريعة ومضمونة 😆 🙂

ندخل في المفيد 😉

المقادير :
2 كوب دقيق
2 معلقة خميرة فورية
1 معلقة كبيرة سكر
1 معلقة كبيرة ملح
2 كوب مياه دافية
معلقتين حليب باودر (لو موجود – لو مش موجود مش مهم)
واخلطيهم بالمضرب اليدوي زي الكييييك.. وسيبيهم متغطيين في مكان دافي لمدة 10 دقايق او اكتر حسب جو الغرفة

المرحلة التانية
طلعي الخليط ده
حطي عليه ربع كوب زيت ذرة
نص كوب زبادي (دي مكانتش في المقادير بس الزبادي بيطري العجينة فحبيت اضيفو ولقيتو جميل طبعا)
2 كوب دقيق (وحطي دقيق لو حسيتي انها محتاجة علشان تتكون عجينة غير لاصقة)

وسيبيها تخمرررررر تاني ..

بس كدة وبادئي شكلي وافردي براحتك لو هتعملي فطاير جهزي الحشوات اللي عايزاها ، لو بيتزااااا افردي وحطي التوبينج اللي انتي عايزاه 😡

وبالهنا والشفا 😆

واليكم صور من مطبخي بنفس العجينة دي