بيجيني إنهيار عصبي من بنتي

يابنات ارجوكم تاخذوا موضوعي على محمل الجد ترى انا تعبت مرة وطفشت وبيجيني انهيار عصبي من الضغط اللي بنتي مسببته ليا بنتي الله يحفظها ويصلحها عمرها سنتين وثمان شهور تدور عالشر والنكد والبكا دوارة بطريقة ماتتخيلوها يعني اول ماتصحى من النوم وهي عالسرير تناظر فيا تقلي صباح الخير اقوم ارد عليها اقلها صباح الخير تقوم تبكي وتولول وتقلي ليش تقولي صباح الخير وتسويلي نكد وشر طول ما انا بلبسها عشان اوديها الحضانة واروح دوامي نرجع البيت اجي افتح باب البيت اللي جوة تقوم تتسدح في الارض من البكا ليش فتحتي الباب انا ابغى افتح الباب تجيبلي العصير تقلي افتحيه اقوم أسألها مية مرة عارفة جكارتها من جد تبغيني افتحلك هو تقلي اي اقوم افتحه تبكي ليش فتحتيه كدا مو كدا نجي أنا وأبوها يوم الجمعة نبغى نطلعها قلك نمشيها أجي أختارلها الله يعزكم الجزمة اللي تناسب لبسها تقوم تسوي نكد ماله اول من اخر انها ماتبغى تلبس الجزمة اللي انا اخترتها وتطلع فيها اي عيب ياإما ضيقة او صغيرة او مو حلوة او اي شي خلاص يابنات مو قادرة اتحملها التعامل معاها مرة صعب كرهتني عيشتي وكرهتني احيانا فيها احاول اجيها بالهداوة والسياسة والمكافآت قدماأقدر بس مافي فايدة تخرجني من طوري خلاص حاسة نفسي متوترة طول الوقت منهافي ناس يقولولي لما تعدي الثلاث سنوات تعقل وتتغير وناس يقولولي بتكون هذه شخصيتها وبتظل كذا طول عمرها مابقيت كتاب في التربية ولابرنامج ماشفته بس مافي فايدة خلاص قربت انجن منها ريحوني الله يريحكم هذه امثلة بسيطة على يوم كامل من النكد والشر المستمر بطولته بنتي