تابع اكشن ولادة يزيد الخير (( القصة ))

السلام عليكم ورحمة الله وبركاته

كيفكم ياحلوات واخباركم

نبداء بقصة الولادة الغريبة العجيبة

واشكر كل من هنتني على قدوم يزيد وعساها ربي يقر عينها بشوفة جنينها يارب ➡

المهم القصة ياحلوات كانت بدايتها من نهاية السابع وانا احس بالام كانها طلق طول الوقت

ولمن كنت اسال دكتورتي كانت تقولي هذي عادي مجرد توسعات 😳

بعد كدا كنت ماهتم للموضوع وامشي الالم طول الوقت لين دخلت التاسع وفي الاسبوع الثالث من التاسع بالظبط يوم الاربعاء رحت لماما ولمن كنت عندها حسيت بالام مرة قوية لدرجة انو اتوقعو ولادتي بس انا قلتلهم الوضع عادي بس ماما شافتني وانا واقفة وقالتلي بطنك مرة نزلت انتي راح تدولدي امكن اليوم او بكرة قلتلها ان شاء الله

المهم خرجت من عندها وانا المغص بيقتلني وصلت البيت وبرضو زوجي مسكين يقلي اطلع المدينة ولا اجلس معاكي قلتلها مراح اولد اليوم روح الالم الي كان في كله راح جلس يضحك عليا قال الله يعينك بس

المهم تغديت عند اهل زوجي وبعدها عصبت منهم تركوني لوحدي جالسة 😥

فطلعت بيتي وحطيت راصي ونمت لين الساعة تقريبا 6الى ربع وبعدها كلمني زوجي هوا في الطريق فسالني بروح امشي قلتله ايوا

المهم رحت امشي خرجت من بيتي ورحت امشي وخذيت امشي من غير ماحس الى وانا مخلصة سور الجامعة كله وراجعة بيتي حسيت وانا امشي اني خفيفة وماني حاملة شي في بطني

المهم رجعت البيت والوضع جدا عادي

تاني يوم الجمعة قمت عندي مغص خفيف طنشته وكملت اتغديت ورحت اشتري شوي مقاضي لبيتي لاكن جاني المغص وانا اتسوق قلت لزوجي يالله البيت الالم مرة زاد والله رجعت البيت وبداء يخف المغص المهم تعشيت بعدها سويتلي كاسة قرفة معى زنجبيل وسكر وشربت كاسة

ونمت صحيت الفجر صليت وخلاص جهزت بناتي عشان يروحو المدرسة وزوجي مسكين فتح الكمبيوتر عشان يشوف راتبه نزل او لا وانا وقفت على راسه وقلتله وانا اكل 3حبات رطب انا راح اولد اليوم

قلي انا اليوم مرة مشغول قلتله والله وقتها ماعرف مشغول قلي الله ييسرها المهم خرج زوجي وانا كان عندي غسيل وقتها تخيلو وضعي فاتحة المنتدى اتصفح واقرا وقلت للبنات وقتها في القروب ادعولي شكلو عندي طلق وقفلت وكملت غسيلي وانا بموت من الالم المهم خلاص وصلت الساعة 9ونص وانا خلاص احس اني بنفجر ادق على جوال دكتورتي واقلها عندي الم مرة فضيع بس مافي خيوط دم ولا موية تخيلو ايش قالتلي اكيد اخذتي زيت خروع كثير عشان كدا عندك مغص قلتلها ماخذت زيت خروع اصلا قالتلي روحي نامي

قلتلها طيب دقيت على زوجي قلتله دحين تجي ان شاء الله تكون في اخر الدنيا انا عندي ولاده قلي انا بالشمال كيف اجيكي قلتله دبرها

مسكين كلم اخوه وخرج من المدرسة وجاء وداني وصلت مستوية دخلتني على طول الدكتورة اموجودة في الطواراء وجاتني ممرضة غليسة مرة قلتلها الله لايوفقك بشويش عليا انا مرة تعبانة

واستغفر الله انا مابغى دكتور لاكن ماجاني الى دكتور وربي استحيت من نفسي بس قلت ربي انت عالم بحالي سهلي ولادتي والله يبنات

الدكتور طيب مرة مرة

قلي بس ميلي على جنبك عشان على طول غرفة الولاده

والله يسحبني بقوة مرة مرة في السرير وصار يصرح على الي يدخلو الاصانصير حالة ولادة طارئه خرجهم كلهم عشان لوجاتني ولاده في الاصانصير محد يشوفني لو تكشفت وتخيلو جاتني لقافة وسالته كم سانتي مفتوح 😉

قالي انتي منتهية كيس الجنين خلاص باين الرحم 10سانتي ليه متحملة فوق طاقتك

المهم دخلوني غرفة الولاده وكان في ممرضتين ربي يسعدهم مرة طيبات فسخولي ملابسي ولبسوني اللبس الخاص بالولاده

المهم لسى الدكتور يلبس الجونتي الى انا اقله خرجت الموية وسبحان الله رفعو الشرشف على طول ويقولي الدكتور كملي كملي خلاص طلع سبحان الله 3طلقات ورى بعض وخرج

وبعدها الدكتور والممرضة حطوه بين رجولي والدكتور يقلي مبروك جاكي ولد سرت اقول الحمدلله الحمدلله

بعدها بشوي الدكتور صار يضغط على بطني عشان المشيمة تطلع والحمدلله

بعدها الممرضة اخذت ولدي وحطته على الميزان عشان توزنه وتخيلو ايش سوى عليها تبول ولدي عليها سارت تضحك الممرضة

المهم ولدت تقريبا الساعة 10و40دقيقة يوم السبت 25/6/1432 هـ وجبت يزيد

وصراحة اعتنو فيا مرة اول يوم لمن ولدت حطوني في غرفة فيها 4سرر وقلت للممرضة انا مني مرتاحة هنا دوريلي غرفة فيها 2سرير والله قلتلي طيب بعدها بشوي قالتلي تعالي نقلناكي وسبحان الله يوم الاحد الفجر جات قالتلي نقلناكي غرفة لوحدت

والله يبنات لقيت نفسي في غرفة كبيرة وطليت في سقفها لقيته كله ملصق لمن سالت الممرضة قالتلي في وصاية انو نحطك في غرفة في اي بي قلت يبختي والله

المهم طولت عليكم وسردت قصة حياتي عليكم ههههههههههههههههههههه 😉