عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سنه 2001 كان جرام الذهب ب30 جنيه وكيلو اللحمه بعشرين جنيه
دلوقتي جرام الذهب بيتنطط مابين 174 و185جنيه للجرام وكيلو اللحمه من 42 ل50 جنيه حسب المكان اللي بتنباع فيه
ماعلينا من اللحمه احنا كده كده فاقدين الامل فيها
الاسعار السابقه للذهب بدون اضافه تمن المصنعيه اللي بتبتدي من 15 جنيه للذهب العادي وبتصل احيانا ل75 في الذهب الايطالي مثلا للجرام الواحد
يعني الجرام كده بيبتدي من متنين جنيه واحنا طالعين
زمان اي بنت او ام لما بتعدي علي واجهه محلات الذهب اللي تاخد العقل وتتفرج عليها اول حاجه بتيجي علي بالها شبكتها للبنت او الام شبكه بنتها او ابنها وتقول ان شاء الله هجيب اسوره زي دي وخاتم زي داه والطقم داه حلو اوي في الشبكه هجيب زيه
الكلام اللي فوق داه كان زمااااااااااااان
تجرؤ اي بنت او ام انها تحلم باي شبكه دلوقتي
دلوقتي الاهل بيتفقو علي دبله وتوينز محبس سابقا ياخد العريس العروسه علي جنب ويقولها ليه تحبسي حريه الدبله دبله بس كفايه
لان اي شبكه محترمه بعد مكانت سنه 2001 و2000 وقبل كده اربع الاف يغرقو العروسه ذهب دلوقتي مش هتيجي اقل من عشره الاف مجازاا يعني وانتي طلعه 
احنا عاوزين نساعد اي بنوته جميله مقبله علي الزواج انهامش تنحرم من حلم حصولها علي شبكه وحتي لو رمزيه وبسيطه خالص
انا كلامي خلص خلاص الدور عليكو بقي
اي فراشه بتحب عمل الخير تدخل وتقرا الموضوع تتبرع بحل تفكر فيه ممكن نقدم فيه بديل عن الشبكه
او حتي عوض عنها ويكون الحل داه هديه لكل اتنين مقبلين علي الزواج وربنا يوفق بنات وشباب المسلمين ❗ 😆 🙁
