تبغي بيآض نآصع وبشره ولآ أحلى آتفضلي هينآ ~~~>

2- لازم تاكولي يومياً 7 حبات تمر في اي وقت تحوبي

3- تاكولي مقدار يدك من الحبوب الكامله زي الكورن فليكس لوحدو من دون حليب لانو غني بالفيتامينز المفيده للبشره والشعر

4- كوب شاي أخضر + زنجبيل + نص ليمونه هادي تشد الجسم وتنقي الدم وتعطي نظاره ونعومه للبشره مره وحده في اليوم للنحاف و3 مرات للتخان

5- استخدمي صابونة كلين آند كلير والسائل المنظف حسب بشرتك يعني ادا حساسه خدي اللي مكتوب عليها للبشره الحساسه واستخدمي السائل بواسطة قطنه وافركي فيها الوجه والرقبه من قدام ومن وراء وبين الأفخاد وعلى الركب والاكواع وشوفي البلاوي اللي حتطلع … أما بالنسبه للصابونه أغسلي فيها وجهك واتركيه لمدة دقيقتين بعد كدا اشطفيها كويس وأفرك وجهك بأطراف أصابعك وشوفي القشور كيف … هادي تلات مرات في اليوم اولا الصابونه وبعدين السائل

6- زيت سدرين للشعر في الصيدليه في منو أكتر من نوع استخدمي اللي مكتوب عليه ( مقوي ومكثف ومانع للتساقط ) وهو عباره عن مجموعة زيوت مخلوطه اللي هيا :-
( زيت اللوز + الخروع + الزيتون + النارجيل + ومعاه كمان فيتامين A & E + خلاصة الغار + السدر + القراص + المراميه )
هادا الزيت رائع والنتيجه نعومه ولمعان وكتافه من أول مره تستخدميه زي ماتحبي لمدة 6 ساعات

7-محلول ديبلونا وهو محلول مكون من فيتامينز ولوشن تعملي فيه مساج لـ فروة الرأس وهو بيوقف التساقط ويقوي الشعر وينظف فروة الرأس صناعتو ألمانيه تدلكي فيه الفروه ولازم يكون الشعر نظيف منو مدهن وريحتو حلوه ومعطره

8- قطرات معقمه للعيون اسمها اوبتيفلوكس والتانيه اوبتيلون بتنظف العين وتطلع كل البلاوي اللي فيها وتبعد الاحمرار وتصفيها وتديها لون ابيض ناصع تستخدم 3 مرات في اليوم

9- مرهم للعيون اسمو فيسكوتيرز وهو عباره عن دموع بديله ترطب العيون وتخليها كأنها مليانه دموووع لان الجفاف هو اللي بيغير لونها ويخلي شكلها دبلان مره وحده في اليوم قبل النوم

10- حبوب اسمها ستريس تابز وهي فيتامينز وزينكـ للشعر والبشره والاظافر وتشيل الغبش اللي على العيون والدبلان اللي فيها
مره وحده بعد الاكل

11- حبوب فيرومن وهي عباره عن كبريتات الحديد والكل يعرف فوائد الحديد كمان مره وحده بعد الاكل

12- بعد كل حمام استخدمي دي الخلطه جليسرين كريم الكبير مع جليسرين السائل تخلطيهم مع بعض وتدهني فيها جسمك كلو حتى الوجه والشفايف وبتنفع لكل انواع البشره تفتح وتنعم بشكل خياااالي

وهنــا اسعار الاغراض اللي في الجدول :-

الصابونه = 4 ريالز
السائل المنظف = 15 ريالز
زيت سدرين = 55 ريالز
محلول ديبلونا = 35 ريالز
قطرة اوبتيفلوكس = 8 ريالز
قطرة اوبتيلون = 11 ريالز
مرهم فيسكوتيرز = 13 ريالز
حبوب ستريس تابز = 13 ريالز
كريم جلسرين الكبير = 15 ريالز
جلسرين السائل الكبير = 20 ريالز