تبون افتح قلبي ؟؟ ماطلبتوا شي

شو آخبآركم فراشات ؟

بدخل بالموضوع دوغري لاني طفشانه واكثر من ذلك ، بتقولون ليش اخترت اكتب بهالموقع لانه موقع كبير ويصدف انه خواتي واهلي ما يدخلونه وهذا الشي ساعدني اكثر افتح قلبي بدون خوف

بنات حيآآآتي مصآيب اللهم لا اعتراض

من طفولتي الى عمري الحين 22 وحياتي كلها هلاك دمار ، نفسيه زفت شخصيه زفت اسلوب زفت ااه وش اقول وش اقوووول

طفولتي : طفله مغتصبه من قريبها وتحرشات كثيره ، مراهقتي : تسلط اخواني علي وخوف منهم يدشون البيت معصبين يضربون بالتلفزيون والابواب وفيني ، متحكمين فيني لييين الله كتب لهم الثقل

شبابي : رايح ع تربيه عيآل خواتي واخواني اووه قصدي خدمتهم لدرجه ازواج خواتي وزوجات اخواني مايبون يجيبون خدم لانهم لاقين خدامه تخدم عيآلهم ببلاش ولا تقول لآء ، ست سنين وانا تحت خدمتهم البس ارضع اغير حفاظ واعلمهم ع الكلام المشي روحة الحمام الاكل بروحهم والحين تدريسهم وحل واجباتهم اففففففففففف

ابوي رجآل شايب عنده حلال ودايم عندهم ، امي اممم شقول عنها ؟ الله يهديها بس دايم كاسره شوكتي مهما اسوي ومهما احط ما يعجبها

بنات الحين احس حآلي بموت من الضيق والهم استغفرالله ياربي من كثر ما شفت مصايب بحياتي خلاص حسيت ان ربي مو راضي علي صرت استحي ادعي انه يفرج علي

الحين وضعي قاعده وحاطه يدي ع قلبي من يكلمني احد هاه شنو فيه مصيبه جديده؟ احد مات ؟ احد تهاوش ؟

احس قلبي بيطلع والضغط مرتفع وراسي بينفجر

خلاااااااص بعيش مثل باقي البنات تحملت المسؤليه لين قلت بس خلاص متى يجي الوقت الي اقول فيه انا بعيش لنفسي اييه اييه بعيش لنفسي ؟ فيها شي ؟ قلت شي غلط انا ؟

شخصيتي : ضعيفه شخصيه ، انعدام ثقه بالنفس احتقر رووحي ع طول ، كل ماجيت اتفآءل اقول على ششنو اتفائل وانا هذا حآلي من 22 سنه ؟ فيه شي كان حلو بهالسنين عشان اتفاءل فيه ، من كثر ما شفت بحياتي صرت حتى كلام ما اعرف اتكلم اتلعثم في الكلام واسكت من الاحراج ، … واشياا واجد مالها حصر

وبعدين يجوون يقولولي انتي انسانه سلبيه ؟ شايفه الحياه سوده ليه كذا ؟

تكفون قولولي انتووا شنو فيها الحياه حلو عشان اشوفها بالوان زاهيه ؟ مليت من كلام الدنيا للحين بخير والحياه حلوة بس نفهمها

كلام مآخوووذ خيره سمعناه لين شبعنا

تدرون شنو يدور فبالي الحين ؟ اني اهرب اترك البيت واهج بس وين اهج وانا لا خآل ولا عم ولا قرايب مالي بالبلاد الا عايلتنا

للمعلوميه تراني متملكه بس حتى زواج مابي وانا هذا طبعي وهذي شخصيتي مابي اتزوج وارد لبيت اهلي من جديد بعيد الشر