عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هلا فراشاتي شلونكم ,, على كثر مالقيت تحطيم من بنات وردودهم على بعض موضوعاتي على كثر هالشي ما يردني عن طرح تجاربي عشان انفع البنات الذوق فيها والي يقدرون جهد المجتهد ,, وعلى فكره يا بنات والله مابي ترفعون الموضوع الا عشان يستفيدون غيركم ,, ماأسألكم عليه اجرا انما اجري على الله ,, حرام اذا مايهمك الموضوع غيرك يهمه خلو المحتاجه تستفيد ,, على العموم مااطول عليكم ابيكم بعد ماتشوفون النتيجه بعينكم لاني متأكده بإذن الله انكم راح تشوفونها ,, ابيكم تدعون لي دعوه صادقه من قلب ربي يحقق لي كل مااتمنى دنيا واخره ويغفر لوالديني
هالطريقه بديت فيها من بعد عيد الفطر الين يومكم وانا شبه مستمره عليها وفعلا يا بنات والله طلع لي فخوذ وانا مالي فخوذ بس لي مؤخره من قبل بس كبرت اكثر وارتزت ماشاء الله لا قوة الا بالله اذكرو الله لا تفشونها علي 😥 ,, فخوذي طبعن كبرت بسبة العضلات صارت معضله وكبيره يعني شكلها جذاااب مرااا الحمدلله ويوم شافتني بنت خالتي سوت زيي وماشاء الله طلع لها نفس النتيجه واصلن هالفكره استوحيتها من وحده اعرفها ماشاء الله عليها مؤخره زي ميريام فارس ماشاء الله تبارك الله مع انها نحيفه وهاذي طريقتها قبل تنام هي تحب تسوي كذا مو شي متعمتده
الطريقه اول شي قبل تنامين واول ما تصحين تشربين كاس حليب صويا ومع الفطور والعشاء تاكلين اي شي بروتين يعني بياض بيض فول سوداني فاصوليا او صدر دجاج المهم اي شي بروتين
والتمرين وانتي على فراشك تبين تنامين انسدحي على بطنك وارفعي رجولك بشكل زاويه 90 يعني كنك تحلين الواجب وترفعين رجولك وتلعبين فيها ترفعينها وترجعين تمدينها بشكل موازي لجسمك وعلى هالحاله نص ساعه او ربع ساعه الين يجيك النوم واول ماتصحين الصباح نفس الشي بس ضروري الي بتاكل البروتين وتشرب الصويا بعد التمرين الصباحي بنص ساعه بالكثير وقبل التمرين المسائي بنص ساعه برضو
بنت خالتي سوت نفس الطريقه بدون لا صويا ولا بروتين بس على التمرين وجاب معها نفس النتيجه يعني الي ماتبي صويا وبروتين مو شرط بس افضل لك ولنتائج افضل
الي مو فاهمه تسأل ,, عيوني لكم ,, يلا ارفعو الموضوع بدعوات عشان اكتب لكم المره الجاي شلون نحفت زنودي وشددددت << اهم شي بالموضوع ,, وبسسس 
