عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سعيدة مرة إني انضميت لكم وأتمنى تساعدون صاحبتي وتشورون عليها الله يسعدكم ويفتح لكم أبواب رزقه الواسعة ❗
بحبر من الألم والأسى على رفيقة عمري أنقل لكم معاناتها يا عمري عليها. .
بعد أن تقدم لها خاطب وطارت فيه من الفرحة خاصة إن البنت عمرها 28 سنة وإنه ظروفه بينت لها
كويسة وبدت ترسم الأحلام الوردية وتحلم بالسعادة والإستقرار وكانت بتوافق رغم إن أهلها في بداية الموضوع اعترضوا وقالوا لها إن طباعه غير طباعك وإن تفكيره غير تفكيرك وإنه بيبهذلك. .!
ورضوخا لرغبتها وافقوا أهلها عليه مبدأئيا وعطوه كلمة إنها بتصير زوجته, وبعدين سمحوا لها تشوفه يوم شافته جلست تصلي الاستخارة ثلاثة أيام متوالية وقسم بالله يا بنات إنها حتى صارت تكره شكل أمه وأخته, صارت تكره تطالع نفسها في المراية ,مرضت مرض شديد وكرهت سيرة العرس كلها! 😆 🙄
عاد جاء هينا دور أهلها الله يسامحهم وبدل ما يدعمونها دفعوها تتمم الخطوبة لأنهم عطوا الرجال كلمة وفوتوها له!
وعشان حالة القلق والخوف اللي كانت فيها من الموضوع حبت تكلمه مرة لعلها تتطمن له ويرتاح قلبها وفعلا كلمته بحضور امها وكان طبعا كلامه منمق فخلاها تتطمن شوي ووافقت تتمم الموضوع وملكت وبعد الملكة على طول كلمها وقال لها أنا مستغرب كيف وحدة سعودية بنت ناس ترضى تكلم واحد قبل ما يملك عليها إنتي شكلك جريئة مرة!! 😉
ردت عليه إنه كلمتك بحضور أمي وإنت وقتها خاطبني رسمي وأنا أقرب للموافقة مني للرفض وبعدين أنا وإنت ناضجين وما حنا مراهقين لعابين! ❗
وهذا أول جرح منه!
وتوالى كلامه الجارح لها حتى صارت نفسيتها بالحضيض منه 😆
تخيلوا يا بنات يقول لها تراك كبيرة فأول ما نتزوج على طول تخلفين لأنه باقي لك بس كم سنة وحنفيتك تسكر!!
وحتى الشبكة رفض يجيب لها وقال اللي بعمرك ما تطلب ما إنتي بنت العشرين وبعدين بالزور وبالمشاكل جاب لها وجاب شي ما يواجه أبد!!
وبلعتها المسكينة وعدتها وبعدين لما جت تتكلم معاه بتفاصيل حفلة العرس كأنة مدفع وانطلق “إنتي مو محترمة وقليلة تربية وأدب ولا ما تجسرين تطلبين”!
بأسألكم يا بنات هو عيب اللي سوته!
والحين هي كارهته كره العمى ومو طايقته ومرعووووووووووبة منه خاصة إنه إذا تزوجها بياخذها معاه برا السعودية وهي تقول والله ما آمنه على نفسي والحين طلبت تفسخ ملكتها !!
ادعوا لها يا بنات ربي يفتح على قلبها ويسخر لها اهلها. .!:D
