تتكلم او تسكت

السلام عليكم ورحمة الله وبركاته
كيف حالكم ياحلوات
شوفوا يا بنوتات ويا متزوجات انا عندي صاحبة وعندها مشكلة وانا مو عارفة اساعدها فقلت اجي عندكم واطرح مشكلتها يمكن تقدروا تساعدوها لانها محتارة ايش تعمل والمشكلة كالاتي….
صاحبتي مملكة وزوجها المستقبلي في مدينة وهيا في مدينة اوكي وهوا مسافر الان له حوالي 4 اسابيع بره المملكة وماكلمها خلال الفترة دي ولا مره مع انها عارفة انه بيكلم امه وابوه ودا طبيعي وبيكلم اخوانه واخواته فهيا زعلانة ومره مضايقة من دا الشي وبما انه جاي بعد كم يوم فهيا محتارة وواقعة بين نارين نار انه لما يجي يشوفها بعد رجعته من السفر انها تسكت وماتخرب عليه فرحة رجوعه بالسلامة وتعدي الموضوع ودا في رايها بيخليه يتمادى في تطنيشه ولامبالاته بيها وعدم مراعاته لمشاعرها خصوصا انه ماجا شافها قبل لا يسافر ولمن سألته اذا حتشوفه قال لها انه مره مشغول ومو فاضي يجي ويادوب يروح المطار وهيا سكتت ماحبت تنكد عليه وتبين انها زعلت قبل لا يسافر ونار انها تتكلم وتقول له وتبين وتشرح كل شي فيتزاعلوا وتخرب عليها فرحة جيته
فايش تعمل يا حلوات … اذا تقول فمتى تتكلم وكيف وايش تقول واذا سكتت هذا في رايكم كيف بيأثر على علاقتهم
عارفة طولت عليكم بس هيا صاحبتي وزي اختي وابغى اساعدها