تتوقعون هذي الحالة أكتئاب مابعد الولادة ولالا…

كيفكم يافراشات …
مالي غيركم افضفض له واسئله عن الحاله إللي انا فيها …..
اتمنى تجاوبوني وماتخيبوني ….
,,, الموضوع ومافيه ,,, أنا صار لي 3أسابيع ويومين من ولدت وطبعا إللي قرأ موضوعي عارف أني ولدت ولادة مبكرة في بداية الشهر السابع وبنتي لساتها في الحضانه يعني بعيدة عني ..الله يحفظها لي يارب ..
وطبعا انا ولله الحمد شاكرة الله وحامدته على النعمة واصلي وأقرأ القرآن وأدعي ليل ونهار …
المهم… انا من ولدت وانا كله حزينه ، ودايما اجلس ابكي ، وماشتهي الأكل ، وكله نفسيتي مسدودة عن كل شي ، وماحب اجلس مع احد كله بروحي …
وزوجي المسكين لما يجي يجلس معاي ماتكلم معاه كله ساكته وبس يسألني شفيش أجلس ابكي من دون سبب…
أنا اقول يمكن ولادتي المبكرة سوتلي صدمة نفسية …
او يمكن يكون اكتئاب مابعد الولادة … إللي تقدر تشخص حالتي الله يعطيها الصحة والعافية …
الله يخليكم تساعدوني احس بوحدة موطبيعية …قولولي شنو الحل … وماني قادرة اشرح اوأتكلم مع احد …
أبقي ارجع البنت الحيوية الضحوكة ..

ابقي علاج لحالتي …