تجربتى مع اطفال الانابيب …..

كيفكم انشاء الله طيبين يارب….

حبيت اشاركم بتجربتى ومعاناتى بتاخر الحمل ..( لاكن ما زال الامل بالله كبير ) …

وانا متأكده ان ربي ما بينسـانى من رحمته انا وكل وحده تنتظر الحمل . ❗

اختصر عليكم السالفه … لي عشر سنوات متزوجه ربي ما رزقنى العيال

ما خليت ولا بقيت مستشفى الا ورحت له قالو لي مافيكي شي كل شي سليم وهاتك يا لط بهل كولوميد والابر لين انتفخت وزاد وزنى ولا فيه نتيجه .. زوجي سوا تحليل قالو له كل شي تمام 😆 حتى الحريم الي يمرخن رحت لهن< بغت تطلع مصارينى منهن 🙁 …. الي تقولي رحمك مايل والي تقولي لاا رحمك مو مايل انتى عندك تابعه وهاتك يا تمريخ ببطنى لين بغت تتطلع روحي < احتسب الاجر انشاء الله

المهم مافيه نتجيه وسمعت عن الحقن … وكنت وقتها بالشرقيه ورحت للدكتور الخولى سمعت عنه شاطر … وسويت عنده 6 علميات حقن وربي ما كتب لها النجاح …

بعدين نقل زوجي للرياض …. ونسيت موضوع الحمل لفتره لان زوجي كان رافض فكره اطفال الانابيب .. !!!

لاكن مع الوقت غير رأيه ووافق نسويها … اول تجربه لي كانت مع الدكتور حمد الصفيان .. صراحه دكتور قمه في الاخلاق … وكنت مرتاحه له .. سويتها وانا كلي امل انها بتنجح من اول مره لاكن مع الاسف … .. فشلت والحمد لله على كل حال … بعدها بسنه تقريبا سافرت للادرن سمعت عن دكتور شاطر يسوي اطفال انابيب ونسبه نجاحها عندهم بعد الله تعالي كبيره .. خصوصا ان بنت خالي سوتها عنده ونجحت عمليتها من اول تجربه … اسم الدكتور نجيب أليوس … وقعدت بالادرن تقريبا شهر … رجع لي ست اجنه وبعد الترجيع باسبوع رجعت للرياض …. ووقت التحليل عرفت انو ما صار فيه حمل … الحمد لله على كل حال …. نسيت اقول ان الدكتور حمد الصفيان رجع لي2 من الاجنه رغم انهم كانو 4 اجنه طلبت منه يرجع اكثر قال انا ما ارجع اكثر من 2 ..!! 🙁

المهم بعد سفرتى جلست سنتين ما سويت شي وانشاء الله الشهر الجاي بعيد تجربه الانابيب للمره الثالثه .. والثالثه ثابته بأذن الله … دعواتكم لي …. ولا تبخلون على بتجاربكم .. لانى محتاجه احد يرفع معنوياتى …. (( سؤالى )) لكم هو كم مره تنعاد عمليه اطفال الانابيب .؟

((وعندى سؤال ثانى)) .. للي عندهم خبره او خلفيه عن الموضوع .. انا زوجي قبل كم سنه قالو له عندك دوالي خفيفه … وكان ناوي يسويها لاكن انا وقتها كنت اتعالج عند الدكتور الصباغ ونصحه الصباغ انه ما يسويها ….

بعدها اقنعته يروح لدكاتره ثانيين مختصين عقم وذكوره وفعلا راح بعضهم قالو له عندك دوالي خفيفه بس ما تستاهل عمليه … ووضعك سليم وبعضهم قالو له ما عندك دوالي خير شر .!! ووضعك تمام ..

لاكن انا محتاره ما ابغى اسوي الانابيب مره ثانيه الا وكل شي عندى وعند زوجي 100 % سليم

يعنى هل لو فيه دوالي خفيفه تأثر على العمليه وجوده الحيوانات ..؟

معليش طولت عليكم لاكن ابي افضفض …. تحملونى شوى …