عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم حبيباتى
حبيت افيدكم مثل ما استفدت بتجربتى مع اعشاب الهدى والنور لتنعيم وفرد الشعر
انا استخدمتها قبل سنة ورجعت استخدمتها مرة ثانية بعدها بفترة لان المرة الأولى اختى سويتها لى فى البيت وما فردت الشعر زين وما طبقناها زين اهم شى تطبقين الطريقة بالضضضضبط مثل ما مكتوبة فى الورقة اللى جاية معها لو تروحين مشغل افضضضل لانهم يفردون الشعر مرة ويحطونها لك
المرة الثانية بعد ما كررتها كانت روووعة روووعة وشعرى مفرود ونااعم والأطراف عادية مو مثل الدبابيس
بعدها قلت لعايالى اذا شعركم طول بحط لكم عشان يصير شعركم ناعم مثلى
وجلس واحد فيهم يزن حطى لى حطى لى ابغى شعرى ناعم مثل فلان “”صديقه فى الحلقة”
قلت يالا احط لهم وخلاص اما ولدى الثانى رفض يتصور قبل الأعشاب يقول شعرى مو حلو فعلا هو شعره مرررة خشن ودورت على صور له قبل الأعشاب كلها قاصص شعره
حطيت لهم الأعشاب واحد الحمد لله صبر عليها والثانى جلس يبكى شليها اهاااا اهى اهى تاكلنى لين شلتها له قبل الموعد وجالس يلعب بيده فى شعره من تحت الكيس وعذذذبنى رغم كلللل هذا شعره صار افضل بكثييير من اول ل كان خشن مررة وملفلف شوفو بعد الأعشاب رغم انه ما اخذ كل المدة وما خلانى افرد له زين!!
الثانى الحمد لله سمع كلامى سشورته بس شعره مررة قصير فصرت لما احط الأعشاب امشى يدى عكس منابت الشعر عشان تدخل الأعشاب داخل كل شعرة وارجع بعدين احط وامشى مع منابت الشعر وامسك بأطراف اصابعى مجموعة شعرات وافرد افرد زين لين احس الشعرات انفردت وهكذا وليدى مرة مستنانس يقول ثعرى ناعم:(
وهذه صورة قبل وبعد
وهذه بعد
