عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
كيفكون صبايا 😉
وعدتكم انزل موضوع عن تجربتي مع زيت النمل وهذاني وفيت بوعدي
انا شريته قبل شهرين تقريبا من التاجره الي تبيعه هنا اسمها (البندري)
بصراحه ماكنت متحمسه من نتائجه لاني احس مستحيييييييييييل يكون هالحلم وهالهاجس الي مؤرق مضاجعنا حله بهالسهوله وبالهرخص ويفكنا منة عذاب ومصاريف الليزر
لاكن كعروس قررت اغامر واجرب اي شي ممكن يفيدني وقلت انشالله ان مانفعني ماراح يضرني
شريته منها 90 ريال مع اني اعرف ان سعره اصلا مايتعدى 12 ريال
والكل يعرف هالشي بس قلت يابنت لو تطلب فيه الف ماراح اقصر بس افتك من هالمشكله للابد <<على قولتها
المهم كلمتها وسالتها قلت احلفك بالله هل فعلا ينفع ويخفي الشعر نهائيا
قالت ايوه انا لي الان 4 شهور معد يطلعلي شعر
قلت اوووك اجل باخذ منك حبتين وبجربها وانشالله ندعيلك ماندعي عليك
واستخدمته بنفس الطريقه الي قالتلي عنها بالضببببببببببط
اول مر شلت بالحلاوه حطيته لمده 4 ايام متواصله كل يوم مرتين ومرات احطه 3 مرات من زود الحرص
بعدين وقفت عنه
طلع الشعر بعد اسبوع تخيلو <<وانا اصلا شعري مو كثير مره ولا ثخين وكان دايم اشيل بالحلاوه يقعد 3 اسابيع مايطلع
قلت يالله يمكنه يطلعه بسرعه عقبه يقتل الجذور
رجعت استنيت اللين طلع كله وشلت مره ثانيه
واستخدمته
واستنى
واستنى
واستنى
والنتيجه
رجع الشعر يطلع اثخن واقوو من اول
طلعلي حبوب بالمنطقه
واحس جلدي فيها يتقشر ؟؟؟؟؟
يعني كذب وغش واكل مال حرام عيني عينك
وراح علي مبلغ وقدره وسعر شحن بعد عالفاضي الله لايوفقها
فيه تاجرات هنا لاذمه ولاضمير ماتدري انن الي تاكله وتوكل عيالها منه فلوس حرررااااام ونار ببطنها ولاحسبت حساب اخرتها
يشهد الله علي يابنات اني ماضلمتها ولا افتريت عليها وكل كلمه قلتها حقيقه
وهذي تجربتي الشخصيه انا عررروسه بقراطيسي مع الي اسمها (البندري) وزيتها الي تبيعه (زيت النمل )
حبيت انقلكم تجربتي وانتم بكيفكم
ومابي منكم الى الدعوى ان الله يوفقني بزواجي ويسعدني ويبارك بمهري
