عالم البنات النسائي كل ما يخص المرأة العربية من ازياء وجمال والحياة الزوجية والمطبخ
تجربتي في الولادة في مستشفى بروكير ..
في البدايه انا كنت منزلة موضوع اسأل فيه عن المستشفى وبحثت في النت بس مالقيت جواب شافي .. وتوكلت على الله ورحت عندهم .. علشان كذا قلت انزل موضوع للبنات في المنتدى علشان يستفيدون منه وياخذون معلومات ..
وهذا رابط موضوعي القديم في بعض المعلومات
بصراحة يابنات المستشفى رووووووووووووووووعة بكل المقاييس .. ونظاافة وهدووء ..
بقول لكم عن تجربتي
أولا الدكاترة ..
انا ولدت عند الدكتورة رنا جمال ,, طبعا ولادتي قيصرية .. لكن مشالله عليها الدكتورة شااااااااااااااااطرة وحنونه عليك وتحسينها فاهمه الشغلة .. وماشالله عليها حاولت فيني بكل الطرق أولد طبيعي بس حالتي ماكانت تسمح والحمدلله .. ومساعدتها مشالله عليها اسمها بشرى باكستانية .. شااطره ومتعاونين مررره معي ..
وجربت دكتور الأطفال رياض ( جراح ) في تطهير ولدي ومشالله عليه شاطر مررره
وجربت دكتورة الأطفال جيهان .. مشالله عليها شاطره مررررررره وحبوبه ومتعاونه .. ويوم جيت أطلع من المستشفى جت عندي وعطتني معلومات شاملة عن الأطفال والعناية فيهم وعطتني رقمها وأي استفسار اتصل عليها ومشالله تساعدني في كل شي ..
الخلاصة : اطبائهم ممتازييييييييييييييييييييييييين مررره وبصراحة ماتحسفت اني رحت لهم ولا على الفلوس اللي دفعناها لهم ..
الممرضات :
مرررررررررررره حبوبات وشاطرااات ومتعاونات مع اني أذيتهم مررره .. ومسكينة الممرضة اللي كانت جنبي صارخت عليها وكفختها وتعبت مني مرره ..
بس مشالله عليهم مرره حبوبات
امم
الغرف والنظافة :
انا أخذت الغرفة العادية وفي عندهم الـ V.i.b وعندهم الجناح الملكي بس ماشفتهم .. لكن عموما الغرفة مرره حلوة انت لحالك فيها وفيهاتلفزيون بلازما وحمامتهم ( وانتوا بكرامة ) نظيفة مررره ..
ويجونك عاملات النظافة 3 مرات في اليوم الصباح والمغرب وفي الليل .. وطبعا إذا طلبتيها في أي وقت تجيك ..
والحظانة عندهم حلوة مره .. يعتنون في المولود في كل شي .. يعني تحطينه عندهم وترتاحين وعادي في أي وقت تبينه يجيبونه لك وماياخذونه الا للغيار بس ويرجعونه لك
وعموما المستشفى هاااااااادية ومريييحة ونظيفة ودكاترتهم شطار ..
وهذا رابط قصتي
وأي استفسار يالحبايب انا جاهزة 😀
