عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
و بعد غياب طويل جيت بموضوع جميل أتمنى يفيد الجميع
انا اول مره اصبغ شعري فـ ماكنت افهم لانواع الصبغات قمت سألت و دورت و قلت خليني أجرب كولستون الرغوه و أخترت اللون “الأحمر الأكزوتيك”
هنا تقدرو تشوفو كل الوان المجموعه
تعليماتي 😀
وقت الصبغ أتبعي كل التعليمات الموجوده مع ورقه الإرشادات و طريقه استخدام الرغوه مرره سهل و ممتع
وفيه حاجات مهمه لازم تسووها قبل يا امورات
اول شي لازم تكوني مغسله شعرك عالأقل قبلو بيومين وكل ماكان الشعر جاف وبعيد عن الرطوبه بيكون أفضل ” هذا مو كلامي كلام أخصائيين البشرة و الشعر “
انا غسلت شعري يوم السبت و حطيت الصبغه يوم الثلاثاء
وبخصوص لون الصبغه لمن بتشتريها اختاري لون افتح من اللون اللي تبيه لأنو لمن بتصبغي حيطلع اللون أغمق بما انو شعورنا غامقه
وقبل الصبغه لا تنسي شيء مهم انك تحطي فازلين على رقبتك و اذنك وحدود جبهتك عشان لا تتصبغ و ألبسي شيء قديم عشان لا يتبقع
وطريقه استخدامها مفصله في ورقه التعليمات المرفقه مع علبه الصبغه
وبعد الانتهاء من توزيع الصبغة تنتظري المده المحدده “40 دقيقه”
وبصراحه انا ما التزمت بنفس الوقت المحدد و خليتها فـ شعري 3 ساعات ونصف حتى يطمئن قلبي
بعدين تغسليها عايدي وتحطي البلسم اللي معها بس لا تغسلي شعرك بالشامبو عشان لا يروح اللون ويضيع تعبك 😆 hy:
أنا حست وقت ماغسلت شعري قد ما اغسل بينزل لون فـ طفشت ف النهايه و جففت شعري و طلعلي كدا
أذكرو الله “ماشاء الله”
حبيت اللون كثير وايقنت ان تهوري صائب 😆 🙂 كان بالبداية نفس الصورة بعدين صار مايل للموف أكتر بعدين صارت درجتو عودي 😆
بعدها بيومين تقدري تغسلي شعرك عايدي بالشامبو
و بالنسبه للون الأحمر انا صارلي تقريبا اكثر من شهر صابغته و للآن لمن اغسل شعري ينزل لون وردي خفيف حتى لاحظت ان اللون بدأ يبهت ويميل للبني اكتر لكن محافظ على لمعانه
اللي اعجبني في الصبغه “
* سهولة استخدامها
* اللون يطلع موحد من الجذور لمن الأطراف وهادي نقطه جيده للرغوه
* ما لاحظت تغير في طبيعة الشعر يعني الصبغه ماخشنت شعري
*********
بنت عمي نفس الشي أشترت صبغه لونها أشقر متوسط من كولستون الألوان الطبيعيه
قصينا من شعرها التالف وجربنا فيه عشان نشوف كيف يطلع اللون بس الصدمه ان لون الشعر ما اتغير نفس ماهو 😉
فكرنا وأشترينا صبغه ثانيه بلون أشقر فاتح من ويلا فيفا
و خلطنا علبتين من اللون الأشقر المتوسط مع علبه من الأشقر الفاتح و اتوكلنا على الله و صبغنا
(كل علبه خلطناها لحالها مع الاكسجين تبعها بعدين خلطناهم مع بعض)
طبعا صبغنا كل الشعر وتركنا مسافه 3 سم من الجذور و خليناها تقريبا مابين 3-4 ساعات وعلى اخر نص ساعه صبغنا الجذور و اتفاجأنا من اللون ماشاء الله مرره اتغير و صار لون اشقر على عسلي
والحلو انه مع الاضاءه البيضا بيطلع اللون نفس الأشقر اللي بصورة علبة الصبغه تقريبا
ماشاء الله
أتمنى ان الجميع يستفيد من موضوعي و تجربتي المثيره واللي اعتبرها مجازفه
+
موضوعي بجهد شخصي عزيزاتي
دمتم مبتسمات 
