تجربتي في مشغل منال نجد بالرياض ضرووووري تشوفون الموضوع

المهم
انا والله تووووني راجعه من مشغل منال نجد الي بحي الربوه مخرج 14
طبعا اكيد كثير منكم سمع عنه من الدعايات الكثيره بالمنتديات والسمعه الحلوه الي تقرينه عنه

انا رحت عشان اسوي حمام مغربي
وحجزت عندهم قبلها بيوم طبعا وقالتلي تعالي اي وقت تبين
قلت غريبه مافيه زحمه
رحت ولما دخلت المشغل للمشغل فاااااااااااااااااااااااااااااضي باستثناء وحده تسوي فرد لشعرها وعاملتين فقط
عاد اقول في نفسي غريبه اجازه وموسم زواجات
مافيه احد يسوي لا تسريحه ولا مكياج ولا حتى استشوار

المهم ومالكم بالطويله طلبت حمام مغربي بسعر 150 اعجبني السعر بصراحه توقعت انه لؤطه وحظي حلووو ان لقيت هالسعر

قالت يالله ادخلي
والله يابنات انا اقلبت على الحمام ان جتني صدمه الله لايوريكم
حمام 2*2 تقريبا
كبرررررررر عيني يادوبك يكفي شخص واحد
وحاطين فيه خيمه (حقت السونا )
انا لو ابي خيمه كان سويتها في بيت اهلي ماجيت رزيت وجهي عندهم
المهم بما ان ماعندي وقت ولااااازم اسوي حمام مغربي اليوم لان بكره عندي مناسبه وغير كذا زوجي راااح ولا ابي ارجعه
سكت وقلت انشالله يكون شغلها على الاقل زين
قالتلي الفلبينيه غيري ملابسك وانا بجيك بعد دقيقه
دخلت الحمام
ورب البيت احس اني داخله حمام في بيت عمال
حوووووسه والخيمه مغير ترطل مويه وشبه وصخه
حتى ابفضخ ملابس اعلقها مافيه معلاق ملابس حتى شنطتي يابنات مدري وين احطها
مافيه علاقات الواحد يعلق فيها اغراضه
والله اني معلقه شنطتي على مقبض الباب
والباب ماله مفتاح وشكله منكسر
ياربي والله الورطه
كان ودي اتراجع بس مافيه وقت الساعه 9 بالليل وزوجي راح وبكره عندي عزيمه

المهم
دخلت علي الفلبينيه
على طول لطخت علي الصابون المغربي ؟؟؟؟؟؟؟؟
قلتلها لا غلط المفروض اخل بالبخار ربع ساعه بعدين اطع واحط الصابون وبعدين ارجع ادخل ل10 دقايق
قالت لاااااااااااااااااااا انا معلوووووووووووم
انا 10 سنه سوري مغربي
والله اني شكيت في معلوماتي
انا من حيني اسوي مغربي وفي ارقى المراكز
فالحمادي وضؤ القمر وبيوتي لولو وباريس قاليري اختي قد سوت
ماقد حطينا على طول الصابون ودخلنا

سكت بعد

دخلت الخيمه بعديييييييييين شغلتها لي
يعني انلطعي ياخلود ربع ساعه عشان تسخن المويه ويطلع البخار
والله اني انقهرررررررررررررررررررت حسيت اني انلعب علي وبقووووووووووووووووووووووووه

بعد ربع ساعه وانا استنى البخار يطلع بعدين ربع ساعه ثانيه على البخار

ناديتها طبعا لاني انكتمت

جتني وغسلت الصابون

وجابت ليفه مغربيه من النووووع الردئ اسمها فراشه الكاسي
وبدت تفرك

قسما بالله يابنات ورب البيت انها قطعت جلدي تقطيع ولا طلع مني شي ؟؟؟؟؟؟؟

انا لي 5 شهور ماسويت مغربي

كيف مايطلع جلد ميت

حمر جلدي ومشختني

وقامت تنكت وتميلح لانها شافتني عصبت
وتقول انتي نظيفه مداااااااااااااااااام

ومن هالكلاااام

وطبعا تمدح في نفسها وانا اسوي مساج علاجي وانا اسوي حمام مغربي لناس كباريه

وهياااااااااااااط مابعده هياااااااااااااااااط

انا عورتني بصراحه قلتلها خليني ارجع للسونا يمكن ما اخذت كفايتي من البخار
قالت لااااا ماله دخل اصلا تاخر الوقت (يعني الاخت تبي الفكه بس وتروح بيتهم
وانا وفلوسي الي دفعتهم بالطقاق

طبعا بعد المعارك والفررررك الي على الفاضي انقطعت الليفه راحت تفركني بليفه صفراء وصخه اشوفها على زاويه ةمستخدمه
انا طبعا ما اكتشفت انا تفركني فيها الى بعد ما جيت على ظهري قلتلها وين ليفتي السوداء قالت انقطعت عاد هنا قلتلها خلااااااااااااااااص
قالت طيب شوفي طلع شوي يعني شي لايذكر
انا من حيني اسوي مغربي ويطلع مني جلد ميت مو بهالطريقه
وغير كذا اول مره اقعد 5 شهور بدون حمام مغربي
يعني المفروض يطلع مني كثييييييييييييييييير

غير كذا شعري امتلا مويه
ماعطوني كاب احطه على راسي
حتى اكثر المشاغل الراقيه يحطون حمام زيت من عندهم كنوع من العنايه بالزبون
هذولا لا هذي ولا هذي
مغير ماسكه راسي عشان احميه من المويه

قمت بعدين وغسلت جسمي
وقالت يالله حطي مقشر المشمس

يقالك متكرمه علي

حطيته وغسلت جسمي وطلعت ملابسي من شنطه يدي واتلفت ادور فوطه انشف فيها جسمي مافيه
رحت ناديت من عند الباب كني شحاذه قلت ابي فوطه على الاقل
راحت جابتلي فوطه فيه بقع قسما بالله ان فيها بقع صفراااااااااا واالله اني انشف جسمي فيها وانا منقرفه بس وش اسوي

ملابسي الداخليه عصرتها وحطيتها في شنطتي
طلعت وانا اتحسب عليهم

ومن زين الوجه قالت الي عند ااستقبال نعيما

قلتلها على قلبك طبعا بنبره زعل وهي حست فيني

وسالتني وقلتلها وشرحتلها هالوضع المأساوي الي عشته
وشكلها مو عاجبها الكلام وقلتلها ياليت تبلغين صاحبه المشغل الي حاطتلها صفحه بمنتدى الاقلاع وتمدح في مشغلها وكله نصب واحتيال

انا يابنات عروسه بقراطيسي وحكيتلكم تجربتي وسدحتها عندكم وبسدحها في اكثر من منتدى نسائي
عشان الكل ياخذ حذره من هالمشاغل الي تبحث عن الربح المادي بدون مقابل وماتحفظ كرامه الزبونه ولا تبحث عن رضاها
انا ما ابي اخرب سمعه ولا اقطع رزق احد

انا انسانه انصب علي ومن حقي احذر غيري عشان اصحاب المشاغل الثانيه تحط في بالها ان مش اي حد بيتاكل لحمه

واتمنى اي وحده تدخل موضوعي ترفعه ولو بدعوه حلوه عشان الكل يشوفه