عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا فرأشات كيفكم إن شاءالله بخير 
حبيت انقلكم تجربتي شخصيا مع أم عهد wisصاحبة المتجر العالمي لتصاميم الأعراس!!!!!؟ 
كان زواج أختي قبل كم شهر طبعا أختي تصفحت بالمنتدى وحصلت موضوع ام عهد ولقيت من ضمن الفساتيين فستان عجبها كثيييير والله يشهد على كلامي والله اني مسؤوله عن كل كلمه اكتبها
وراح انزلكم الصور والمحادثه لو تبغوا …… اخذت ايميلها اتفقت معاها وكان الفستان قيمة تفصيله سته الاف ريال وماانكر انها ساعدت اختي ونزلت بالسعر الى الفين وثلاث مئه طيب و
أختي الثانيه كانت حامل وتعرفون ازمة الحمل وصعب تلاقي فستان يناسبك بس اختي في موديل عاجبها وكان نظامه امبير من الصدر لما اخر الفستان وحبت ام عهد تعمله لها بالمره مع فستان اختي العروس
فتحت الكام بعد ماخلصت خياطه فستان العروس لانها بالخبر وانا بجده وكانت الغرفه ظلااام على شوية اضاءه صفراء وجلست تفرجنا عليه والشئ البعيد صعب تشوفي لونه وشكله مثل لما يكون عندك وطمنتنا وقلنا خلااااااص بس باقي نستلمه 😛
المهم قبل الزواج بإسبوعين تقريبا يابنــــــــــــات كانت الطــامه ماعاد بقى وقت وكل الفستانيين ماتلبس وربي اهلي سارو يخاصموا لانهم كانوا معارضين على الفكرة انها عن طريق النت 😥
–فستان العروس اللي بالصوره لونه ابيض ناااااااااااااصع وواضحه الصوره واتفاقنا المفروض يكون حسب اللي بالصوره وربي يابنات جابت لنا الفستان اوف وااااايت ماره اللون ماعجبنا 
— شغل الخياطه ماكانت كويسه ابد ابد حتى بالنص ع التنوره كان في فصوص وكرستال وربي جايه بالمايل مشتوله الخياطه والمثلث اللي فوق السره كبيرونازل تحت السره مع العلم انو ماغيرنا شئ بالتفصيل الا تغطي البطن لانو مكشووف
— الكرستالات الحمراء والفصوص مومثبته مزبوط طول مااختي تتحرك تسمعيها وهي تتطايح
اما فستان اختي الثانيه كانت تقول بالف واربع مئه وبعدين نزلت السعر الى الف ومئتيين جاء الفستان مو مزبوط لا القماش المطلوب بالصوره كان لمااااااااع واللي بالصوره كان عادي وماكان امبير
اضافت له صدريه ومزموووووووووم من تحت الصدر وطالع اسطواني الفستان وزادة عليه قماش شيفون
لما رجعنا اتصلنا عليها قالت رجعوها لي اعدلها وين تعدليها مافى وقت وربي رجعناها وماتغير شئ طلبنا تغير لون فستان الإف واايت وتعديلات كثيره رجع مثل ماهو والثاني ماغيرت شئ زادته قماش شيفون و مثل ماهو بس بالمقاسات كان التعديل المهم استلمناها بعد الزواج
مع العلم انو الصور و المحادثه والاتفاق معها عندي وبالصور ولو حابين تشوفونه لانو ماابغى اطول عليكم زياده
انا بس زعلانه 
وربي غلطه بس اخذنا درس منها ولولا الظروف ماغلطنا لاتغلطون مثلنا بليز ولانكم اخواتي وبالمنتدى لازم نتكلم عن تجاربنا ومانطيح ونطيح غيرنا معنا واسفه ع الاطااااااله واشاكره لكم :rose00
هذا الفستـان اللي اتفقنا معاها عليه شوفوا اللون واااضح انو ابيض ناصع كمان
وهذا الفستـان الثاني واااضح
————————————————————————————-
