عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مــــــــــــــــــاأجمل أن يصبح الحلم حقيقة……………. القصة للأخت مواهب من منتدى آخر,ونقلتها لكم للفائده
——————————————————————————
في البدايه
اللهم لك الحمد كما ينبغي لجلال وجهك وعظيم سلطانك
من زمان وانا كنت ناويه اكتب لكم وش صار معي لكن ظروفي الصحيه وجلستي في بيت اهلي ما ساعدتني
وسبب حرصي على الكتابه ان أي وحده حالتها زي حالتي تستفيد
خاصه اني تعبت كثير وانا اسأل وواجهتني مشكلتين
الأولى قليل الي مروا بها التجربه
الثانيه الي مروا بها التجربه ما كانوا متعاونين ومستحيل تناقشينهم في هالموضوع
علشان كذا حرصت اكتب كل شي
يمكن تملون وانتم تقرون ويمكن بعضكم يقول فيه تفاصيل مالها داعي
لكن
الي تبحث عن هالمواضيع راح يهمها كل شيييييييييييييييي
راح اكتب التاريخ بالميلادي لأن مواعيد الطبيب بالميلادي
28-1-2007
كان اول يوم من الدوره رحت للطبيبه شاكره في مركز الدكتور سلمان الحبيب وشرحت لها حالتي
عطتني ابره اخذها في يوم 23من الدوره وقالت ثاني يوم من الدوره الجايه تعالي
17/2/2007
اخذت الأبره المغرب من بكره العصر جتني الآآآآآم فظيعه مثل الم الدوره بس اقوى وتقلصات في بطني من قوتها احيانا ما اقدر اصلب ظهري لازم انحني واستمرت معي اربع او خمس ايام
27/2/2007
اول يوم من الدوره
28/2
ثاني يوم رحت للمركز وما لقيت الطبيبه كانت ماخذه إجازه حولوني على الدكتور محمد بقنه صراحه ماشاء الله عليه فاهم وتحمل كل اسئلتي
وبعد هو سئلنا كم سؤال طبعا كنت انا وزوجي
طلب اشعه صوتيه من تحت يعني عادي يسونها وانتي فيك الدوره الأشعه بميتين ريال وكان تعامل الممرضات مره حلو
(ميزة المركز ان كل شي بالسر يعني اول ماتدخلين يعطونك رقم انتي وزوجك وخلاص ينادونك بالرقم )
وشاف الأشعه كتب لي ابربيروجين شريتها من عندهم حاسبت بحوالي 800ريال اول ابره اخذتها عندهم باقي الأبر صرت اخذها في المستوصف الي عند بيتي
7/3
بعد اسبوع رجعت للدكتور وسوى اشعه بنفس السعر ميتين ريال وقال خذي ابر زياده اربع ايام وعطاني نوع ثاني من الأبر يعني صرت اخذ النوع الأول في العضل والنوع الثانيProfasi or Pregnyl في الكتف
صار المجموع 11يوم
10/3
رحت له وسوينا اشعه مره ثالثه وقال كل شي تمام
وقالي تاخذين الأبره التفجيريه بعد بكره الساعه ست الصبح وهذي لازم بنفس التوقيت الي يقوله الدكتور
12/3
اخذت الأبره التفجيريه الساعه ست الصباح
13/3
الثلاثاء رحت من الساعه 3العصر علشان السحب
طبعا هم راح يعطونك تعليمات تمشين عليها من ضمنها انك توقفين عن الجماع اقل شي ثلاث ايام قبل السحب
