تجربتي مع اكبر كذبة خلطة اخفاء الشيب بثلاث ايام والمصيبة بعدها

بذكر تجربتي لخلطة اشتريتها من النت

بعد ماشفت البنت عارضة تجارب

اكثر من مره كنت باخذها واتردد

حتى لما تاخر المندوب بالتوصيل قلت خيرة وماراح اخذها خلاص

بس تفاجأت الرجال قالي جاي بالطريق

استحيت اقوله خلاص قلت طيب واخذتها

وقبل ما اطلبها سألت البنت اكثر من سؤال وهل علبه وحدة تكفي

وفعلا خلال 3 ايام راح يختفي الشيب وماعاد يرجع قالت صحيح

استخدمتها اول يوم ماحسيت تغير شئ

ثاني يوم صار لون شعري برتقالي يفجع

كنت خايفه لان عندي مناسبة بعد كم يوم

وكلمتها قالت شكل شعرك مايمسك فيه اللون بسرعة

خليه وقت اطول وقلت طيب

وتركته نفس الوقت اللي قالت عليه

وبعدها ماتغير شي ظل اللون البرتقالي وتورطت بعمري

اتصلت عليها وقلت لها قالت تحتاجي علبه ثانيه 😆 🙂

قلت بس عندي مناسبة وماينفع اروح شعري برتقالي

ممكن اصبغ قالت ايوا مافيه شي

صبغت شعري بني ورحت مناسبتي

بعد المناسبه بفتره لاحظت شعري طلع الشيب اكثر

قلت لا يمكن اتوهم وبس تاكدت فعلا شعري انعدم بشكل فضيع

اتصلت عليها وخبرتها قلت ماقلت لك اصبغي

قلت إلا كلمتك وماسويت شي غير لما قلت لك

وقالت انا مندوبه بكلم صاحبة الخلطه

واكثر من اسبوع وانا اتصل ومافيه فايدة

واليوم اتصلت ورجعت تحط الغلط علي مره اني صبغت ومره اني تركت الخلطه اكثر من الوقت

على شعري
قلت لها الحين تبغى تطلعي نفسك ماسويت شي غير لما كلمتك وقلت لك

وارسلت رقم مغلق على اساس انه لصاحبة الخلطه

وبحث عنه بالنت طلع لمقاول

الحين الله يعين

ابغى حل يابنات اللي تعرف خلطه طبيعيه وانا اسويها ما ابغى اشتري من احد

كفاية اللي صار لشعري

الله يجزاها خير