عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
كيفكم
قريت اليوم موضوع وحده من البنات تبي حل مع الاكزيما والله سبحانه وحده هو الشافي
بقولكم تجربتي
انا عمري 20
والاكزيما معي من كنت صغيره
لماكبرت كانت تجي وتروح وبس بيديني
السنه هذي الله لايوريكم انتشرت بشكل فضيع بظهري ورجولي وصلت الى 3/4 الساق
الحمدلله ع كل حال بس شئ تتخيلونه الم حكه فضيعه سواد
ماارتاح باي لبس كوني بالظهر والرجول والله الجلسه توجعني الحمدلله والشكر
غير الجروح والدم شئ يضايق
انا مااتحمل الحر الله يكفينا واحبتنا عذاب النار عاد كيف مع الاكزيما
لما ارجع البيت االظهر من الجامعه بسبب الحر حاله تزيد سؤ
راجعت كذا مستشفى بس لافائده , الحمدلله والشكر
المهم تعبت منها مررره خلت فخوذي وسيقاني سود
اخر شئ لقيت حل ولله الحمد والله لاحظت النتيجه والفرق
طبعا المعالج د.جابر القحطاني والامر كله بالبدايه بإذن الله
بقولكم اول شئ هم حاجتين بديت في
يؤخذ ملئ ملعقة أكل من أوراق المرمية + ملئ ملعقة صغيرة من مسحوق أوراق الزعتر البري + ملئ ملعقة أكل من مسحوق ثمار العرعر وتوضع جميعاً في قدر صغير ويضاف لها ملئ كوب ماء وتوضع على نار هادئة حتى الغليان ثم تزاح من على النار وتترك مغطاة لمدة عشر دقائق ثم يصفى ويشرب على الريق يومياً .
هذي تخففها وتهدي الحكه جربتها يمكن 3 او 4 مرات وصدق حسيتها تهدي الحكه
بس ما استمريت خفت انها تسبب النعاس وانا ادرس بالجامعه ومااوصل للبيت الا اربع وبعدها عندي مذاكره
< الله لايخسر ويوفقنا
وقفته بس ان شاء الله بما اني اجزت الحمدلله برجعه اجربه
الشئ الثاني هو اللي داومت عليه زيت اللوز
هو كاتب الحلو يدهن من 3-5 مرات يوميا
انا امي جابته لي عصاره وصراحه روعه روعه روعه
والعصاره احسن شئ
بقولكم الان وش سوى زيت اللوز بفضل ربي وقدرته ورحمته وكرمه
اول شئ كنت مع كل صلاه اتوضئ واصلي وادهنه يعني 5 مرات
بعدين يمكن3-4 مرات
بعدها صرت مرتين او ثلاث
طبعا كل ماخفت تحسيت اتك مو محتاجته لان الجفاف بيخف
وهكذا , والله ماتصدقون لاحظت الفرق وخفت خفت خفت بشكل مااحد يتخيله بس باقي ماراحت كلها بس المناطق اللي باقيه مقارنة بشكلها اول بسيطه جدا
يمكن لاني كنت مضغوطه بدراستي مره ومتوتره جدآ <دعواتكم لي باعلى المعدلات
وربي فخوذي 95% اللون الطبيعي رجع وهي خفت بس الحكه باقي ماخفت عشان كذا ان شاء الله باستخدم لها خلطة الاعشاب
هي ماراحت نهائيــــــــآ ولا رجعت انا نفس اول بس واللله يابنت هي انتشرت معي فجاءه وتعبتني
النتيجه اللي حصلت عليها بالفتره اعتبرها الحمدلله والشكر بفضله شئ كبير
والنتيجه ابدا مو بسيطه ابدا , بتلاحظون الفرق مثلي ان شاء الله
بس تراني كنت اقراء ع الزيت سورة الفاتجه 7 مرات وانفث
والمعوذات 3 مرات وانفث
و3 مرات , اللهم رب الناس اذهب الباس اشفي انت الشافي شفاء لايغادر سقما
اللهم اني اعوذ بك من شر مااجد واحاذر
اعوذ بكلمات الله التامات من شر ماخلق
وصار جسمي رطب وناعم
الحمدلله والشكر , تذكروا ان الله سبحانه اذا احب عبده ابتلاه
هذي قصتي اكتبها بسرعه من بعد الامتحانات صار مالي خلق لا اكتب ولا اقراء 😳
ماابي شئ منكم الا دعوه صادقه بظهر الغيب
دعوة المسلم لاخيه المسلم بظهر الغيب مستجابه
عَنْ أَبِي الدَّرْدَاءَ رَضِيَ اللَّهُ عَنْهُ، أَنَّهُ سَمِعَ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ: “مَنْ دَعَا لِأَخِيهِ بِظَهْرِ الْغَيْبِ قَالَ الْمَلَكُ الْمُوَكَّلُ بِهِ: آمِينَ وَلَكَ بِمِثْلٍ”. أخرجه مسلم (4/2094 ، رقم 2732) . وأخرجه أيضًا : أبو داود
ادعو لي ربي يهديني لصراطه المستقيم ويطهرني من الذنوب والمعاصي انا ووالدي واخواني واحبتي
وان ربي يهديني انا واخواني ويفرح قلب اني وابوي فينا
ادعو لي ربي يجعل القراءن والصلاه رفقائي انا وكل من احب
ادعو لي بالتوفيق بدراستي وان ربي ينفعني بما اتعلمه ويجعله خالصا لوجهه
ادعو لي بالتوفيق بالمعدل العالي اللي يدخل الفرجه على قلبي وقلب امي وابوي
ادعو لي ربي يحقق لي كل ما اتمنى ويرزقني العزيمة والقوة والصبر
ادعو لي بكل خير ,
الله يحقق لي كل امنياتي
