عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم و رحمة الله وبركاته
احب اكتب لكم تجربتي عشان تستفيدون زي ما انا استفدت انا طلبت زيت بنوته زي العسل
التركيبه الجديده طلبت علبه وحده وحطيت الزيت بعلبة كبيره و حطيت على الزيت نفس المقدار زيت خروع و زيت ثوم و خمس ملاعق حلبه مطحونه ورجيت العلبه مده ثلاث ايام وبعدين اخذت بيالتين من الخلطه و حطيتها بالخلاط وعليها 10 فصوص ثوم و خلطته لين ما صار مخلوط زين وبعدين حطيته على الزيت و رجيته وقسمت الخلطه بيني وبين صديقتي
والحين لنا ثلاث شهور نستخدمه صحيح الريحه قاتله بس قررنا نتحمل عشان الزين
استخدمنها ثلاث مرات بالاسبوع ونخليها في شعرنا ساعه و نغسله
ونلف شعرنا بكيس نايلون و نخرم الكيس عشان يتنفس <<<<<<< هالمعلومه قالتها لي بنوته الله يجزها خير
انا كان عندي تساقط خفيف الحين التساقط صار كم شعره بس وطلع لي شعر جديد والله طلع شعر جديد و شعري طال حوالي اربع اصابع
وصديقتي كان عندها تساقط مخيف مو طبيعي و صار الحين التساقط خفيف مره وطال شعرها زي شعري حوالي اربع اصابع و الكثافه ما لاحظت بس التساقط زي ما قلت لكم
والريحه احنا كنا نغسل شعرنا بس ما تروح الريحه تخف و نغسله يوم ثاني و نعطره بخمريه وتروح الريحه
الحمدالله على كل حال هذي تجربتي وتجربت صديقتي كتبتها لكم ان شاءالله تفيدكم
واي اسأله انا حاظره
