عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
كالعاده أكتب لكم تجربتي في حاجه استخدمتها ونفعتني بكل صدق وأمانه 
طلبت من الأخت رجائي رضا ربي الدلكة المغربيه اللي عندها
طبعا الدلكة معروفه…ومعروف مميزاتها للبشره
من فتره كنت ادور على وحده حرمه تسويلي الدلكة السودانية ولقيت
لكن بالمقارنة الدلكة السودانية ريحتها أقوى ودلكة رجائي رضا ربي ماشاءالله مافيها ريحه قويه
بقولكم طريقة استخدامي 
اخذت كميه من الدلكة في صحن وحطيت معاه عسل وزيت اللوز وكبسولتين فيتامين E
الفيتامين اضفته من عندي…
حطيتها على جسمي ودلكت خمس دقايق بعدها جلست نص ساعه لحد ما تشربه جسمي وجف شويه
ونص ساعة في حمام السونا…
طلعت من حمام السونا وأخذت الليفه المغربيه وصابون الغار (الصابون ماشاءالله عليها حاطته في نفس الكيس اللي حاطه فيه الدلكة)
وهاااتك ياتفريك وانا اتروش..الاضاءه عندي منخفضه شويه في الحمام مسويه جو رومنسي لنفسي في حمامي ➡ …فـ ما لاحظت على نفسي شي
لما جيت للغرفه وشفت جسمي بالمرايه ماشااءالله ماراح اقولكم تبييض بكون كذابه لكن تفتيح وصفاء وبنفس الوقت نعوووومه..
استخدمت فازلين زبدة الكاكاو لجسمي بعد الحمام ولحد هاذي اللحظه اتمتع بالنعومه
أشكر اختي رجائي رضا ربي..دايما شغلها ماشاءالله حلو وماقد مدحت شي من منتجاتها الا كان على قدر من المدح
هذي تجربتي مع الدلكة بكل صدق وأمانه
عن Nneemmoo24
شاهد أيضاً
كريم اولاي بالتوت مين جربته ؟؟
مساء الخير سمعت كثير عن كريم اولاي بالتوت مدح .. انا عادة اخاف اجرب اشياء …