تجربتي مع زيت جنين القمح

السلام عليكم

.
.
.
.
.
.
.

اهلين بنات كييفكووون

عندي هرجه طويله تعااالو

اكيد انتو سامعين من زماااان عن زيت جنين القمح بس مستهونين فيه

مره دخلت العطار وشفته قلت خليني اشتريه

لأني قرأت مره عن وحده كانت تستخدم كريم اولاي للهالات السودا وماجاب نتيجه
وقالت بعد ماخلطت معاه زي جنين القمح سار وجهي صاااااافي

اشتريته وقلت ان شاء الله اشتري الكريم بكره

بس بكره ما جا.. الله يهديه تأخر هههههههههههه

وكنت بالعشرة الأيام ( الاجازه اللي بوسط الترم ) عند اهلي
وكل يوم بالليل انا واختي نخبص بنفسنا بالليل
كنا نغسل بصابونة البابايا ونمسح باسكينول بالخيار
وانا كنت احط بعدها زيت جنين القمح طول السهره هما يهرجون وانا ادلك وجهي وتحت عيوني
كدا اخدتها تسليه بس !!

واختي ماحطت منه ماتحب الزيوت واللكلكه بس رطبت بكريم عادي بعد الاسكينول

ومر الاسبوع
وزارتنا اختي قبل ما اسافر
واحنا نتكلم تقولي ايش حاطه اساس ؟؟
قلتلها ماني حاطه والله

المهم

انا قررت اشتري 3 من جنين القمح لجسمي او 2 جنين القمح وواحد زيت اللوز المر واخلطهم

لانه برضو اخت زوج اختي مررره مفتحه وتقولهم ليا اكتر من شهرين وانا ارطب جسمي بزيت اللوز المر الاصلي
ومره بالاسبوع تسوي فيه تقشير مع السكر او الملح

وانا قلت اجرب 1 زيت اللوز المر مع 2 زيت الجنين القمح بحطهم بعلبة زيت جونسن حق الاطفال

واستخدمهم بدال الجونسون لأني كدا ولا كدا اصلا متعوده كل بعد ترويش اتدهن فيه

وللوجه واليدين بحط قارورة زيت جنين القمح على النار بس يادوب تدفى وعليها جليسوليد لين يختلطو عشاتن يثقله شويه
اخليه لوجهي ويديني

شو رايكم تتوقعون حلوه طريقني ؟؟

واللي بشرتها دهني مااعرف ينفعلها او لأ
بس والله انا مررررررررره انبسطت من النتيجه انها فتحتني شويه
بس لسا ابغى توحد لون وجهي وتشيل الهالات

واي سؤال انا حاضره

وملاحظات عشان اجاوب على اسئلتكم المتوقعه

مع انه مايحلى الموضوع الا فيها بس عشان افيد المشاهدات عالصامت

الصابونه حقتي صابونة البابايا بالحبة السودا
لكن بغيرها واجيب العاديه او اللي 3 في 1
( واللي عندها خبرة بالصوابين تفيدني اي وحده احسن نوع)

ومو ضروري التدليك اذا حطيتي الزيت ممكن تدهنين فيه قبل ماتنامين بنص ساعه او طوال اليوم

بدأت استخدم واقي شمس عشان ما اسمر
اشتريت واحد مكتوب عليه TAE ولونه ابيض ودرجات الاصفر والبرتقالي الكلام
وقالنا الصيدلي انه اكتر نوع يصرفونه الاطباء للناس
ودرجة حمايته 50%

امممممممممممم

لا تطلبوني صور اي شي اكتبو كل شي بقوقل صور وهوا يطلعلكم
لأني مااضن افضى انزل صور

ودعواااتكم يا حبايبي انه الله يهديني ويصلحني ويرزقني بالذريه الصالحه ويخليلي زوجي ويهديه << تعبير مو دعاء

وان شاء الله اذا ربي احيانا

بعد شهر او شهر ونص برجع اكتب تجربتي اذا فاد معايا او لأ