تجربتي مع كوفيرات المنازل >>> لبنات المدينه

السلام عليكم

لاحظت أغلب البنات يبحثوا عن كوفيرات المنازل وخاصة مع قرب الاجازه الصيفيه وماتحمله من مناسباااات

وبحكم اني جربت اغلب كوفيرات المنازل حبيت أفيدكم >>>> من خلال تجربتي

والسبب اني ما أحب زحمة المشاغل وجديده على المدينه وحبيت أختصر على نفسي المشوار

1- الكوفيرا حواء استشوارها حلو لكن لازم تفتحيه بدري عشان مايجي ممكر

قصها عدم (( لما قصتلي رحت استشور في مشغل قالتلي اللي استشوارتلي من هذي اللي قصتلك مررره عدم قصها ))

تشقيرها زفت / مكياجها ماجربت لكن قريت لوحده تقول ثقيل

2- الكوفيرا سهاد نصيحه ابعدوا عنها مرتين توعدني وفي أخر لحظه تعتذر

3- عفراء الله لا يوفقها ولا يسامحها لا دنيا وأخره يمكن تستغربون من دعائي عليها لكن والله حطتني في موقف لا أحسد عليه

كلمتها قبل الفرح بخمس ايام وقلت لها إذا ماتقدري قوليلي قالت لا جايتك

ويوم الفرح اتصلت عليها أكثر من خمس مرات ولا ردت والله ما انسى ذاك اليوم حتى ماكان أحد عندي
يوديني للمشغل

4- ام همس (( سعوديه )) مكياجها اعطيه 3/10 لكن اساسها حلو واستشوارها 2/10 واسعارها شوي غاليه

5- الكوفيرا فاطمه استشوارها حلو مكياجها عدم (( رقمها ضاع ))

ويعلم الله اني ماقلت الا من خلال تجربتي معاهم

أخيرا :

نصيحه نصيحه روحي للمشغل والله اللي تجيك تكوني على أعصابك لين تشوفيها