تجربتي مع مشغل لبنه

انا رحت لمشغل لبنه وحابه اطرح تجربتي للي مخططه تروح له

انا بتكلم وبكل صراحه >>اخلصي بس

الموهم : رحت سويت عندهم تنظيف بشره سطحي ( ب 60 ريال) ايش اللي استفدت منه انو الرؤس السوداء راحت ومن جذورها اما حب الشباب واثاره طبعا لا . اتوقع هذي يبيلها تنظيف عميق ولا كرستال بس الصراحه خفت دايما اسمع انو العميق او الكرستال يبغالك تسوينها عند دكتوره متخصصه وشاطره لذلك ماحبيت اتهور

انا اعطيتكم الزبده: التنظيف السطحي للرؤس السوداء وبس حتى السواد اللي حول عيوني ماراح . هذا الكلام من تجربتي .

تيب

الشغله الثانيه اللي سويتها حمام كريم .

طبعا انا حاجزه حمام زيت بس تفاجئت انو حمام الزيت يختلف عن الكريم >>طعسه 😆 hy:

المهم قلت توني ف نفس اليوم حاطه زيت قلت اعطوني حمام كريم بس خلوني اشوف وش قصته و خصوصا اني قريت هنا ف المنتدى وحده مجربه حمام الكريم حق لبنه وتمدحه .

عاد احاول القط اسمه ماقدرت حاطته بطاسه صغيره هذي شسمها الكوفيره ماجابته بعلبته

بس والله اعلم والله اعلم اني عرفته كيف؟؟؟؟؟

من ريحته ولونه موف نفس الكريم اللي عندي .

بس العجيب يابنات اني استخدمته كذا مره ف البيت بس ماحسيت بزود

يعني يرطب زي باقي حمامات الكريم الثانيه ماحسيته غير عنهم نفس النتيجه بالضبط

واللي اكتشفته انو المشكله ماتتوقف ع الكريم بحد ذاته وانما ع الكريم + طريقه وضعه >>راح اقول كيف؟؟؟

ابد الكوفيره قسمت شوشتي تقسيم مضبوط وقامت تاخذ كل خصله ورشت عليها مويه واخذت الفرشاه حقت الصبغه هذيك السوداء الكبيره وقامت تغطها ف الكريم بعدين تدهن شعري اليييييييييييييين خلصت من شوشتي كلها

وقامت تدلك فروه راسي الــــــــــــــــــــــــــــــــــــلـــــــــــ ـــــــــــــــــه راحه راحه

وجمعت شعري فوق ولفته بقبعه بلاستيكيه ودخلت راسي ف هذاك الجهاز الدائري اللي انتم تعرفونه انا مدري شسمه بس دخلت راسي فيه حق البخار وخلته ربع ساعه بعدين خلصنا وقالت انتظري لين يبرد شعرك شوي بعدين اغسله لك

وغسلته وجففته بالاستشوار >>هع مايطوفها شي

ووووووووووووووووووبس هذي تجربتي وياكثر قرقتي .>>من زمان ماسولفت 😉

بس ابغى اسأل وشو الفرق بين حمام الزيت والكريم ؟؟؟ ادري انو هذا زيت والثاني كريم بس قصدي ف النتايج