عالم البنات النسائي كل ما يخص المرأة العربية من ازياء وجمال والحياة الزوجية والمطبخ
انا قرأت قبل شهرين موضوع هنا عن جل اسمه contractubex
وان الاصلي صناعته الماني
وفائدته الخارقة في علاج ندبات وآثار الحروق والجروح المستعصية
المهم ولأني أعاني من آثار عميقة لحب الشباب ماهي راضية تروح
وعندي ندبات من آثار العنقز وحب الشباب
رحت ركض على الصيدلية وشريت الجل
وبدأت استخدمه وانا متحمسه لظهور النتائج اللي بتاخذ 6 شهور للظهور >> طويلة صح
المهم في اول اسبوع الى عشر ايام سبب لي حكة فظيعة >> اقوم من النوم بسبب الحكة
المهم بعد عشر ايام صار عادي
تحطه بالليل واغسله الصبح
لكن بعد شهرين بدات ألاحظ ان المسامات اللي في وجهي توسعت
وصارت واضحة من بعيد وانا اشوف بالمراية
وخشمي توسعت فيه المسانات وصارت عندي رؤوس سودا مع انها ماكانت عندي من قبل
والحين اعلنت اني وقفت الكريموانه ماناسبني بتاتا البتة
يمكن فيه بنات ناسبهم واستفادوا منه >> عليهم بالعافية
لكن أنا ماناسبني ابدا
الحين ابقعد ادور علاج للمسامات والرؤوس السودا
دعواتكم يالغوالي
