تجربتي واتمنى من البنات يستفيدوا منها

السلام عليكم ورحمة الله وبركاته
كيفكم اخوايت الفراشات ان شاء الله الكل بخير ما ادري اذا كان هذا القسم المناسب لموضوعي او لا
بس أنا حابه اكلمكم عن تجربتي وأتمنى تسفيدوا منها يافراشات
انا شابه ومو صغيره كل زميلاتي اللي في سني وأصغر مني تزوجوا واولادهم في الصفوف العليا من المرحله الابتدائية ؛؛
وأخواتي اللي اصغر مني متزوجات وكله طبعا نصيب وماكنت معترضه على أمر الله وما عمري اشتكيت لمخلوق ولا حسست اي انسان اني نفسي اتزوج
ويوم 8/12/1430هـ يعني قبل يوم عرفه كانت الأجواء أمطار واحنا كنا طالعين للمدينه وانا كنت صايمه التسع وطول الطريق كنت أدعي ربي أن يرزقني الزوج الصالح ويرزقني الذريه الصالحه وكنت دايم اردد ( ربي لاتذرني فرداً وأنت خير الوارثين )
والله العظيم يابنات اني يوم 16/12/1430هـ يعني من بعد اسبوع من قبل يوم عرفه انخطبت وانا الحين مملكه وزواجي قريب بعد خمس ايام بالضبط من اليوم
يابنات لاتيأسوا وادعوا ربنا في اوقات الاجابه ولاتنسوا صلاة الضحى وقيام الليل والاستغفار وان شاء الله ربنا يرزق كل بنت الزوج الصالح اللي يخاف الله فيها ويسعدها
وادعولي بالتوفيق في حياتي الجديده