تجربه بسيطه .. لوقف التسآقط

مســـــآكم ورد وكل شيء حلــــووو

لاني مو متعوده اكتب موآضيع هنآ .. مآنيش عآرفه كيف ابدآ

< مستغربه انها تكتب موضوع

آلمهم

ترى لو قلت لكم .. ان شعري كآن سيء جدآ .. ويستآقط بشكل يخرع .. يمكن تقولون ابآلغ

والله اني كنت ابكي واقول راح اصلع .. بالذات من رمضان اللي رآح ,, كآن يطيح بشكل يخرع .. مجرد ما المس شعري طاح .. انام واصحى والقى ع المخده شعري بالهبل

وقلت لازم القى حل .. لازم اعتني .. لازم لازم يووقف التساقط 😉

وبصرآحه ,, مآفيه شيء مآسويته كل شيء اسمع عنه اسويه

من حوالي 3 شهور او اكثر شوويه .. مو عارفه بالضبط بديت اعتني فيه بالزيوووت

ماكان لي برنامج منتظم ويمكن هذا السيء بالموضوع

سمعت عن زيت اسمه آرت وشريته وكان لازم يظل بالشعر 6 ساعات

ويستخدم مره بالاسبوع

طيب انا مصممه اني ما اغسل شعري الا بعد مايكون مزيت

فـ تسولف علي بنت اختي تقول .. كانت تنقع الثوم والبصل والحلبه بالزيت وتحطهم ع شعرهآ .. وكان شعرها يطول بسسسسرعه جنونيه

ومره بأحد المواضيع هنآ قرأت عن تونيك البصل والثوم وانه ينمي الشعر

رحت سويت مثلهآ .. فرمت البصل والثوم وحطيتهم بعلبه وحطيت فوقهم زيوتي ومع شوية حلبه

فـ كنت مره استخدم آرت ومره استخدم الثآني

بس الجد .. استخدمت هالمنقوع حوآلي 5 مرات فقط .. لاني ببسآطه مآقدرت اتحمل ريحتهم اكثر

😡 واحس ان دجاجه فوق راسي .. وكله كوم والذبانه اللي تلاحقني كوم 😆

والحمد لله ماكنت مكثره كمية الزيت

المهم

رجعت لـ زيوتي المعتآده السمسم والخروع واللوز .. وزدت عليهم زيت الحبه السوده وزيت السدر .. وكلهم من وادي النحل .. ويفضل من العطآر .. لان الصيدليه للأسف غاليه جدآ وفرق بالاسعار

واخذت كمية ثوم .. وحطيتها بقدر وصبيت عليها كاااس مويه .. وخليته يقلي كم دقيقه ..
لما برد .. حطيته بالخلاط .. وصفيته .. وحطيته بعلبه لها بوز

فـ استمريت على نظام ثابت

اغسل شعري يوم ويوم لآ

يوم .. أحط زيت آرت .. وترآآه جد ممتــــــــــــــــــــــآز .. والله اني لاحظته من اول مره

يوم .. وغالبا يصير مالي نفس لاي زيت .. احط تونيك الثوم فقط .. والكثيره

غير كذآ

ضروري تآخذون شآمبو شعر ينآسب .. للأسف انا تعبت بالشامبوهات .. واخر شيء استغريت على شامبو اخذته من محل نزيه

بـ الإضافه

خلال شهر ونص دآومت على نوعين من الحبوب ..

حمض الفوليك < كان عندي بالهبل عشان الدم .. وقررت اداوم عليه وفعلا
حبوب الزنك للشعر < روعه للشعر

وعشان ما انسى آكلهم .. حآطتهم بـ المطبخ

حبوب الزنك .. صح فيتآمين .. بس لازم تآكلينه بعد وجبه

ولا تنسون الفوآكه .. ضروووريه جدآ .. مع اني مو مداومه عليهآ .. بس صرت احاول اكل يوميا او شبه يوميا

إيه صح حآجه اخيره .. للي شعرهآ جآف .. لآزم تستخدمين كريمات تخلي شعرك مدهن شوي

انا صرت استخدم بالمرز بزيت الزيتون مع جونسون الصبار .. اخلطهم سوى واحطهم ع شعري بعد ما اغسله
او اجففه

واتعمد اخلي شعري مدهن

بس والله يا بنات

اني لاحظت من 3 اسابيع .. ان التساقط ماراح اقول وقف .. بس والله انه خف بنسبة 90% إذا مو اكثر

الحين المخده ما يطيح فيها شيء

لما امشط شعري لو بيطيح شعره شعرتين خمس ..

اول من امرر يدي ع شعري طاحت شعره ثلاث .. الحين لآ .. لما امشطه وهو رطب ماصار يطيح مثل اوول

وكثروآ استغفار بنية الشيء

ومعلومه اخيره

البنات العصبيات يروقون .. واللي يحاتون كثير يخففون .. واللي تفكيرها مشغول تسكر الخط < قولي قسم

ترى هـ الأشيآء عوآمل محفزه لتسآقط الشعر

وأتمنى بصدق اكون افدت احد منكم واتمنى ماكون نسيت حآجه