تجهيـــزات شنطه المستشفى او الولاده بالصـــور _ من تجميعي

حبيت انزل لكم موضوع عن تجهيزات شنطه الولاده او المستشفى

انا صراحه سالت اختي وبنت عمتي عنها وهم افادوني

اول شي

لك الام وش تحطين في الشنطه/

1- عبايه في حاله توسخت الاولى من المويات الله يكرمكم
يكون في بديل لها

2- قميصين حق رضاعه مريحه وواسعه مع الطرحه حقته+ قميص الاستقبال لو بيجيك احد بالمستشفى

3- شب شب يدفي رجولك

4- شراريب

5 – سروايل اللي تجي من استخدام واحد

تلقينها في الصيدليه وفي سنتر بوينت ومذركير
( ممكن المستشفى تعطيك )

6- قطن للصدرك

7- شاحن جوالك

8- شامبو ومنشفه عشان ممكن تتروشين- فرشه ومعجوون

9- فرشه شعر وربطه شعر مرايه

10-كتاب ادعيه( حصن المسلم ) او قران عشان وقت الفراغ بذات جلستك في المستشفى لو كانت يومين

11- كريم ليدينك اذا تحبين ومرطب لشفايف

12- ملابس داخليه لك سنتيانات وسروايل

شنطه البيبي

1- مهاد ينحط فيه البيبي لمن تطلعين من المستشفى

2- كوفلــــه اتوقع وحده تكفي واحسن شي لون ابيض

3- ارواب حقته عشان في الايام الاولى احسن واريح له عشان سرته انا اخذت 2 احتياط

4- ملابس داخليه انا اخذت 2 برضو

5- شرابات تكفي 2

6- قبعات تكفي 2

7- بطانيه شوي ثقيله واذا جو المدينه اللي انتي فيها بارد خذيها ثقيله

8- حفايض مع انه في مستشفيات هي تعطيك

9- ملابس استقبال مع انه اشوفها ماله داعي لانه بيكون
طول الوقت في كوفلته انا اخذت زي كذا

وبس اتمنى افدتكم يارب اذا نسيت شي ياريت البنات يفيدونا
الله يسعدكم ادعو لي بولاده ميسره وطبيعيه والله يهدي لي زوجي يارب