عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اخووآآآتي الفراشات :
كثيرة هي المشااكل التي نمر بها في حيااتنا الزوجيه ولايزال هناك الكثير مما سنمر به فهذه هي الحيااة حلوة ومالحه
ولكن كثيراات هنا يشتكين ويتذمرن من ازواجهن وممكن تسبه وتلعنه وتشتمه وتخلي بعد العضوااات يتشاركن في هذا
وهو ياغافلين لكم الله مايدري وش ينقال عنه من وراه
وكأنها بتبرد حرتها في زوجها اللي كان قبل هالمشكله هو الحبيب الغالي والصديق والعزوه وكل شي
لكن بعدالمشكله
صار العدو اللدود اللي ما يبين في عينه شي الخاين الأنااني الغدار قليل الوفااا
وهي ماشاء الله دائمـــــــــــــــــــــــــاً
المخلصه
الصادقه
المضحيه
ملكة الجمال
ربة البيت الممتازه
الزوجه الودود
تكتب صاحبة المشكله شكواها لتنهال عليها شكاوي الأخرياات من ازواجهن وحلول الاخريااات العقيمه التي تزيد من المشكله لا تزيلها
بدلاً من تهدأتها وتهوين المشكله
{وهنا ما أتكلم عن الكل ولا اعمم ولكن موجوده وبعد ما اتكلم عن المشااكل الكبيره التي توصل
لمعصية الله عزوجل وخيانه الميثاق الغليظ }
وانا مو ضد الفضفضه ولكن مو بشكل سلبي ونظره سوداويه لهذا الزوج بمجرد ما انه ضايقك او زعلك وصارت مشكله
طيب..
لما تكوني في رخاء مع زوجك واموركم تماآآآاام
اسألي نفسك بكل صدق وصراااحه
كيف هي حياتك مع زوجك؟؟
وكيف تقيميها؟؟
وكيف نظرتك لزوجك ؟؟
ومقدااار محبتك له واحترامك له
وهل انتي مبسوطه معه؟؟
طيب ليش عند الزعل مانتذكر معروف هالزوج والايام الحلووه اللي مرت وحبنا له وتعبه وشغله علشاننا؟؟؟
لأننا ناااكرااات للعشير
وهذا قاله رسول الله عليه الصلاة والسلام:: (( يا معشر النساء ؟ تصدقن ؛ فإني رايتكن اكثر اهل النار )) فقلن : وبم يا رسول الله ؟ قال : (( تكثرن اللعن ، وتكفرن العشير )) البخاري .
تبين زوجك يحبك؟؟ يهتم فيك؟؟ يشوفك كل النساااء؟؟
توددي له وتحببي له
احترميـــــــــــــــــــــــــــه وخااصة وقت الزعل مو تهزي خصر وتهددي وتطلبي الطلاااق
لاااااااااااااااااااااااااااااااااا
المطلوووب منك وقت الزعل
تمسكـــــــــــي لسااانكـ وتسكتي ايه تسكتي وهذي وصيه لنفسي ولكم
لان الرجال بعد ما يهدأ وتروح فورة الزعل يتذكر وش صااار لو طولتي لسااانك ماراح يعديهااا لانه رجااال ومايرضاها لنفسه لكن لو سكتي والله ليرجع ويتكلم ويتأسف بعدمهما كان سبب المشكله<<<<عن تجربة
امر الزوج امر عظيييييم والاسلام شدد عليه وعلى طاعته واعطاءه حقووق مو للزوجه مثلها تدرووووون ليش؟؟؟؟؟؟؟؟؟؟
لأن الرسوول صلى الله عليه وسلم قااال:( مَا رَأَيْتُ مِنْ نَاقِصَاتِ عَقْلٍ وَدِينٍ أَذْهَبَ لِلُبِّ الرَّجُلِ الْحَازِمِ مِنْ إِحْدَاكُنَّ” البخاري
وبعد بحث طويل عن المعنى توصلت الى انها
كلمات على ايجازها تصف الضعف الشديد للرجل امام المرأة
فإنكن قويات رغم ضعفكن وقادرات على إذهاب عقل الرجل الحازم
و قادرات على كل شيء (حتى أنكن تستطيعون أن تخلصوا الرجل اللبيب من عقله ومنطقه وتفقدونه صبره وحلمه وتفتن بعاطفتكن وجمالكن فتحملنه على طلبات غير منطقية فيرضخ لها وذلك نزولاً عند رغباتكن.
اخيراً
الله الله بالكلمة الطيبه
والاستقبال الحسن
واحتسااب الاجر في كل ما تفعليه للزوج من حسن التبعل في كل شي
وعند الغضب اللسااااااااااااان امسكيه واذكري الله
ولا تكــــــــــــــفـــــــــــــــــــــــــــــــــ ـــــــــــــــــــــــــــــــــــــري العشيــــــــــــــــــــــــــــر
وتذكري مهما صار بينكم اخرتكم لبعض وعيب عليك تسبيه وتشتميه واخرتها بتتصالحون
مرة مرتين وبتتقني هالسحر وهو سحر الصمت عند الزعل
لكل من مرت هنــــــــــــــا
بقلمي
