تحذير هام

السلام عليكم ورحمة الله وبركاته

اخواتي العزيزات

بالبدايه حابه اوضح لكم الهدف من كتابه موضوعي والله يشهد على كل كلمه اقولها انها حقيقه
ان الهدف تحذير البنات وان ينتبهو من عمليات التجميل

اول شي رح اذكر لكم تجربتي مع عمليات التجميل وهي النفخ او التفخ
طبعا انا اعاني من نحافه شديده وقربت ملكتي وقتها وكنت مو عارفه ايش اسوي بنفسي نصحوني بنات كثار انفخ خدودي وبداؤ يقترحو علي اسماء دكاتره تجميل بالرياض
اول شي رحت لدكتور بذكر اول حروف من اسمه (خ ، ع ) سعودي الجنسيه تفخ لي خدودي
بدهون ذاتيه مني والابر الي تفخني فيها ماانصح اي احد يجرب لانه يشق الوجه ويظل فراغ كبير من داخل وللحين اعاني منه مابيروح للابد والابره الي دخلها بوجهي من عند الاذن الي كامل الوجه طولها يمكن يجي طول ذراعي ، وبعدها باسبوع ونص راح التفخ ولاكاني مسويه ولااي شي ، رجعت له مره ثانيه وتفخ لي خدودي مره ثانيه بماده اول مره يجربها طبعا فيني ونصحني بحقن ايديني وعرض وخصومات مغريه ، وقالي بعد سنتين راح يروح التفخ ، طبعا الماده هذي اكوالفت اسمها الظاهر تتكور وتصير علا شكل كور موطبيعيه خدودي صارت تفشل وايديني صارت تفشل كلها كور بارزه بشكل موطبيعي ولا هوبمقبول ابد ،، نصيحه لاحد يغامر ويحقن وحسبي الله عليه ذا الدكتور الي زين لي الموضوع اكثر وقال امن وجربي وبتطلعي احلي وعلى مسوليته ومن هالكلام .
المهم ضاقت فيني الدنيا وصار شكلي قبل احسن بكثير من بعد التفخ بمراحل واجده ،، ضقت ونصحوني بدكتور قلت اروح له يمكن يتصلح شوي الموضوع دكتور سعودي ايضا ( ع . ب )
رحت له وزاد الطين بله قال انا اقدر اذوب المواد الي فيك وحقني ابر كورتيزون وتخيلو ايش صار بوجهي وايديني صار الجلد يذوب ويحترق وصار جلدي طبقه رقيقه وخفيفه وماتحت الجلد اي شي عظم على طول ذاب الي لي والي مو لي ، وجهي وايديني راحو فيها صار شكل عمري اكبر من عمري الحقيقي بعشرين سنه زياده كاني عجوز والي اكثر من كيذا بعد سنه رجعت ضهرت لي كور صغار وكبار كل الاحجام وشكلها بارز جدا وغير مقبول وماعرف اتخلص منها ابدا الظاهر الا بجراحه وراح تكلف مبالغ كبيره اكيد ومو اي احد بيسويها لان الجلد ذايب تقريبا ،، حسبي الله ونعم الوكيل في ذي الدكاتره الي مسوينا حقل تجارب لهم ،، الله لايوفقهم ، يابنات احذرو وفكرو الف مره وانا مااقولهم هالمشكله عشان تنصحوني او عشان تجرحوني بالكلام لان اعتقد الي فيني مكفيني وزود ،، بس وربي حبيت ان الكل يستفيد من تجربتي ويتعلم درس قاسي مثل ما انا تعلمت وندمت ..

ارجو ان الي بتنصحني ماتدخل تكتب لي اي كلام جارح ،، الي راح انا خلاص ندمت عليه جدا وادعو لي ان الله يخفف عني مصيبتي.