عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
ودي انبهكم يا حلوات اذا شفتوا موضوع فيه سكس او جنس او قلة ادب مثل اللي انتشر قبل شوي في اغلب الاقسام لا تدخلون عليه
ولا تردون عليه بالعكس راح ينبسط انكم تحدثون موضوعه واي وحده مسكينه مو فاهمه الموضوع بتدخل عليه
وبتضغط على الرابط الي حاطه في الموضوع
واش يضمن لكم انه مو حاط فايروس فيه
صح ننقهر ونبي نعطيه كم كلمه بس هذا راح يساعد على تحديث موضوعه
هذولا ناس وسخه مايخافون من ربهم واش عذرهم تثقيف جنسي
الا خراب للعقول
هذا امهاتنا وجداتنا تزوجوا بدون هالخرابيط وألحين ينضرب فيهم المثل في حياتهم
ولا صارت معهم مشااكل ولا ما يحزنون
والشباب والبنات هالايام ما يتزوجون الا بعد ما يعرفون كل صغيره وكبيره في الحياه الزوجيه
وتجي الوحده بعدين عند زوجها وتقول ليش ما يسوي لي مثل اللي قريته ولا اللي سمعته
واكثر مشاكل الزواج اللي تحدث هالايام من هالجيل المتثقف
الله المستعان
والله ناس فاضيه
اللي بتتثقف تتثقف في امور معينه ولها حدوده وافضل ثقافه من رأيي هي من الدين مثل ماذكر في القران الكريم والسنه المطهره
واذا فيه شيء مافهمتيه اسئلي امك او اقرب وحده لك تكون متزوجه
اما اللي طلع لنا هالايام كلام فاضي
خرب عقول البنات
حتى الغير متزوجات صارو يعرفون مواضيع ما تناسبهم
حسبي الله ونعم الوكيل على هالناس الفاضيه تدمر العقول
