عالم البنات النسائي كل ما يخص المرأة العربية من ازياء وجمال والحياة الزوجية والمطبخ
راح اعرض لكم مشكلتي بعد مااتحطم كل حلم حلو بحياتي
انا من العوائل الا مع الاسف الشديد عندهم عادات مرفوضه وقديمه وفيها اجحاف لحقنا في الاختيار انا انخطبت من يوم كنت اولى متوسط لولد عمتي طبعا مااعرف وش يعني حب ولا خطبة ولا خرابيط لمن كبرت بديت افهم كل شيء وعرفت ان الانسان ذا يعتبر زوجي من وجهة نظر الجميع وخصوصا كل الناس عرفت انه خطبني لمن اتخرجت من الثانوي وحصلت على معدل عالي يحقق لي حلمي في الالتحاق بكلية الطب وفعلا دخلت الطب بعد مرور 3 اسابيع على الدراسه عمتي شبت نار المشاكل وماطفتها ولازم اخرج من الطب عشان كيف اتزوج وانا بالطب وكيف انتبه للبيت والاولاد بالبدايه رفضت لكن بعد كذا الضغوط زادت علي واستسلمت وفعلا سحبت من كلية الطب والتحقت باحد الكليات العلمية طبعا ماكان في مجال اني افكر بالحب لاقتناعي اني انسانه مرتبطه ولازم اوفر مشاعري الفائضه لزوج المستقبل مثل ماهو متعارف بالسعوديه فترة الخطوبه مافي اي مكالمات بين الطرفين بس كانت عمتي في المناسبات تجيب لي هدية فيها عبارات رومانسيه من ولدها الا هو خطيبي طبعا معروف البنات قلوبهم رهيفه وعند الكلام الرومانسي نروح وطي كنت كل يوم اقرى الكرت وانتظر مناسبه ثانيه عشان تجي عمتي بالهدية واستمرينا على ذا الحال الين قبل التخرج من الكلية بشهر وكانو اهلي محضرين كل شيء للملكة وتم تحديد موعد الملكه وجهزت فستاني وقبل الملكة ب 3 اسابيع فقط دق جوالي رديت على طول قلت امكن الخياطه ولا اي احد عشان تجهيز الملكه الا طلع ولد عمتي قال ابي اقولك شيء ضروري قلت خير قول
قال لازم تفهميني وتقدري ظروفي انا احب واحده ثانيه وانتي اعتبرك مثل اختي وانا انجبرت على خطبتك؟؟؟؟؟؟؟؟؟؟؟؟؟؟؟؟؟؟
بعد 10 سنوات جي يقولي ذا الكلام اتجمدت ماعرفت وش اسوي قلت له خلاص انا بتصرف وانت خلي كل شيء عادي
وفعلا رحت للوالد وقلتله اني ماابي ولد عمتي ووسطت خوالي وعمامي الين رضي ابوي وراح كلم اخته طبعا عمتي الشر براسها وقومت الدنيا وماقعدتها انا كنت متوقعه كل هذا بس الاماتوقعته انه ولد عمتي يقول ل ابوي هذي تربية بنتك معودها على الدلع انا كنت اتمنها زوجه لي لانها تقربلي لكن الحمدالله ربي نجاني من هذي الزواجه
وجا ابوي وهزءني ماخلا كلمة ماقالها في وانقلب فرحة التخرج عندي نكدددددد بكل معنى الكلمة وصارت القطيعه بين اهلي وبين اعمامي كلهم وطلعت انا المذنبه بذا كله
هل فعلا اذنبت ؟؟ كيف ارجع العلاقة بين ابوي واهله؟؟
والله احس نفسي محطمه بمعنى الكلمة صحتي اتدهورت ونفسيتي تعبانه وصرت دايم حزينه وانا معروف الابتسامه ماتفارق وجهي
قولوي وش اسوي؟؟؟؟؟؟
