عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صباح الخيرات…. وأحلى رمضان…
طبعا الموضوع باين من عنوانه…
الوزن والدايت والمعانااااة المستمرة
قصتي ممتدة على مدى 7 سنين…. والله يعينكم علي,..
تزوجت ووزني مثالي جدا … 50 ك فقط… وطولي 156سم<<<< ياااسلاااام ألا ليت الزمان يعود يوما…مو 81.400ك
زوجي يحب الربربة… فكان يقول: زيدي 10 ك بس!!! 🙂
المهم حملت وانتفخت.. وخلفت وزااااد وزني كم كيلو..
ما اهتميت كثير … <<< على طلب أبو الشباب…
ويالله بدينا في حبوب منع الحمل وما أدراك ماحبوب منع الحمل…
ننظم الخلفة من هنا ونخسر نفسنا وجسمنا وأنوثتنا وحلاوتنا من هنااااا… 💡
المهم … والعداد شغاااال لحد ما وصلت لل65ك… 😛
حلفت ماما إني لو نزلتلها جدة بعد كم شهر وأنا كذا إنها ما تدخلني البيت
ولا أنا بنتها ولا تعرفني ههههه 
وبيني وبينكم حلفانها جاب نتيجة نوعا ما 
خففت ومشيت كنت امشي يوم بعد يوم 3 ك…
وطلعت الزيت من بيتي… يعني طبخ بنقطة زيت ماافي
أكلي كله خضروات سواءا مطبوخة أو مشوية
والدجاج نفس الشي واللحم..
والتونة تصاحبت معاها لدرجة اني عفتها فترة
قربت أرجع لوزني ………….:(
……ولكن؟؟؟
حملت مرة ثانية …. حافظت على وزني فترة الحمل ….
وبعد الولادة رجعت للحبوب ورجع وزني للصعوووووود
قررت أحط حد
دخلت نادي … وعملت دايت…..
نزلت وزني تقريبا 7ك….أول شهر 😥
. وفجأة
ألعب رياضة… أمشي …. دايت…
ووزني يزيييييييييييييييد
الأسبوع الأول… الثاني!!!
انصدمت المدربة ➡ 😆 hy:
قالتلي مو معقوووووول
10 سنوات في التدريب ما مرت عليّ حالتك أبدا
لو تطفحي مو تاكلي وتجي يوميا تفحطي هنا عندي مشي ورياضة مستحيل وزنك يزيد نص كيلو
روحي للدكتورة 
رحت للدكتورة… طلع عندي خربطة هرمونااااات …. وتكيس مبايض بعيد عنكم
وكله من ميييييييييييييييييييين؟؟؟؟ من الحبوب الله لا يردّها!!!
وجاتني الأوامر: اتركي الحبوووووووب فورا 
تركتها,,, وبدأ وزني ينزل من أول أسبوعين 4ك من غير أي نخفيف ولا رياضة ولا شي…
حملت بالطفل الثالث الله يحفظه ي نفس الشهر اللي تركت فيه الحبوب
<<<< يعني ما أمداني أنزل وزن أكثر
وشرف النونو من 4 شهور ونص 😛
فترة الحمل استمر وزني في نزول .. وأنا فرحااااانة
وبعد الولادة نزل زيااادة 😛
ويا فرحتي…..
بس الفرحة ما تمت ….آخر أسبوع في الأربعين رجعت للحبوب …
وخلال 3 أسابيع بس ضرب وزني 8ك ونص زيادة تصورووووووا 😉
ومرة ثانية خلتني الدكتورة أتركها ….
سااامحوووووووووني طووولت عليكم,,, بس اعتبروني أفضفض..
المهم……
بديت أفكر كييف أنززل وزني؟؟؟
وأي رجيم ابدأ فيه؟!!
هذا .. لا هذا .. لا هذاك….
بعدين فكرت شوية..
صارلي 7 سنين وأنا من دايت في دايت ولا فيه فايدة
حرمان .. وننزل كم كيلو .. ونرجع للأكل بلهفة.. ويرجع الوزن زي ما كان وزيادة عليه كم كيلو…
هذا غير الترهلااات….. والسليوليت ..وووو إلخ…
المهم قررت بعد ما شفت تجارب بعض البنات مع التخفيف والرياضة
زي طيبة حيل و عيون القلب وسحر الورد وغيرهم هنا في المنتدى .. تشجعت
وقلت خلاااااااااااااااااااااااااااااااااااااااااااااااا اااااااااص استووووووووووووووووووووووب
لا للريجيماااااااااااااااااااااااااااااااااااااااات.. …
نعم للتخفييييف,,,,
وبديت من الأسبوع اللي فات بالتخفيف والمشي ..
بس بسسب الدورة ما مشيت إلا نص كيلو متر يوميا يعني تقريبا 10 إلى 15 دقيقة…
فبإذن الله حوزن اليوم… وحنزل وجباتي يوميا ….
وأمشي يوميا ع السير 1 كيلومتر ولو زدت مافي مانع
عارفين العيد جاي في الطريق ومعاه التخبيصات ولازم أحد يعطينا على راسنا
فلا تقصروا فيّ إذا خبصت أوكيه….
والله يحيي أي وحدة تبغى تنضم معاية ….. برضوا يكون فيه تشجيع أكثر
وبإذن الله تكون النتايج مرضية ….
وباسم الله نبدأ………انتظروا وزني بعد ما أصحى من النووووم وقبل الفطور
وحيا الله كل من مرت … وأشكر مقدما من تعطيني دفعة للأمام…….. 😆 🙂
