تخيلو كنت بولدفي عيادة الاسنان !!!!!

السلام عليكم ورحمة الله
واخير راحت الكرشه وصارت تنام جمبي هههههه عقبال كل الكروشات
الحمد لله ولدت وتوي طالعه من الاربعين وتعبه
قصة ولادتي غريبه كنت اراجع في الشهر التاسع عند الدكتور ودائما يولدني قبل مايجيني طلق طبيعي علشان بطني صغير ويضغط على الطفل ويوقف التنفس
وراجعت عنده وتوقعت يولدني زي ولاداتي السابقه في عيالي الثنين الله يحفظهم لي في بداية التاسع
وافتك بس خلصت التاسع ولا شفت الولاده وبدء معي اللام خفيفه تروح وترجع كم يوم
رحت للدكتور قال الرحم مفتوح سانتي بس نستنى الى السبت واذا ماشد الطلق ولدتك بطلق صناعي
وكان يوم الاربعاء سالته اجرب واخذ زيت خروع يحرض الطلق ضحك علي وقال جربي بينفعك لان الرحم مفتوح
بس استني يومين يمكن تولدين من غيره فعلا استنيت وجربت كل طرق التوليد المعروفه من مشي وتبخر وشرب قرفه وزنجبيل ورياضه و……………الخ
وزهقت اللام موجوده بس لاتزيد ولا تروح وجى يوم الجمعه وانا على حالي مليت وقلت مالي الااجربه ولااولد بطلق صناعي ونومت عيالي وشربته مع عصير منجا علشانه ثقيل ويخفف طعمه المقرف
يع يع يع طعمه يقرف شربت نص العلبه الساعه 11ليلا وبعد ساعه الاربع بدت اللام تجي ورايحه جايه على الحمام لانه ينظف البطن واللام خفيفه وجهزت شنطتي واغراض البيبي
ومع اذان الفجر شربت باقي العلبه مع العصير وزادت اللام وروحتي للحمام والساعه 6صباحا زادت اللام مره واحس ظهري بينفتح
وجاني الم في اسناني غريب وشديد صرت محتاره الم اسنان والم ولاده قلت لزوجي ماقدر اتحمل ابي دكتور اسنان ضروري الم لايطاق !!!!
قال مافي هالوقت دكاترة اسنان واللام الطلق على حالها مازادت تروح وتجي كل عشر دقايق او نص ساعه بس اللام الاسنان لايوصف يجيب الجنون من شدة اللام استنيت 9 صباحا وانا ادور في الغرفه من اللام رايحه جايه وكلمنا عيادات ولقينا دكتوره مداومه ورحنا طوارئ
واستغربو حالتي جايه بكرشه (يحسبوني غلطانه على بالهم ابي دكتورة ولاده ههههه شافو هالكرشه انهبلو ) المهم مالكم بطول السيره دخلت عليها وشرحت لها حالتي استغربت وتاثرت مررره وكشفت وقالت معك التهاب شديد في الاربطه من الحمل وحطتلي بنج وحاست باسناني تحفر وازازازازازا وتشتشتشتشتششتتش ازعاج واللام وكل ماشد علي اللام الطلق رفعت ايدي واون خافت وتقول (اوعى اوعى تعمليها علي مابعرف اولد)ههههه خافت اولد عندها وقالت اغرب حاله جتني وكسرت خاطرها شوي تصيح معي وتعاطفت معي وقالت صعبه اللام اسنان وولاده
ورحت موعدي عند الدكتور الساعه عشر وماقدرت اتحمل احس بضغط من ورا شي بيطلع اه اه اللام فضيع وكلمه زوجي وقاله حالتي قال روحي على طول للطوارئ وانا اجي بعد العيادات
ورحت وكشفت على الدكتوره و تخيلو كل هاللام 2سانتي ونص بس مفتوح الرحم
وقالت للدكتور وشرحله زوجي وضعي مع الاسنان وقال نستنى لان الطلق منتظم كل 3 دقائق وكانت عشره ونص وصارت 12 ظهرا ولا فتح اكثر وانا مع اللام الاسنان اللي ماراحت حتى بعد البنج وفمي مايل من البنج وشكلي يضحك مااركز من وين اللام هو طلق من فوق ولا تحت هههههه
جى الدكتور وصرت اترجاه يولدني بعمليه مااقدر اتحمل قال لا الوضع طبيعي وقال للدكتوره تفتح موية الراس علشان يشد الطلق ويسرع الولاده
وفتحته على 12وربع وبدت اللام تزيد واللام اللاسنان كل جسمي واون واخذت مسكن في العضل كانها حبوب هلوسه تدوخ ويصعب التركيز بس اللام مايروح خفت قلت لزوجي خلاص مابي اولد مابي مابي ابي اروح البيت خله في بطني هههه جبانه
والممرضات يدلكون ضهري لان طلقي اكثره في ظهري غير ولاداتي اللاوليه مغص في البطن واللام يزيد وكل شوي يكشفون 4سانتي بعدين سته وبعدين ثمانيه وانا خلاص مااقدر اصرخ من اللام واصيح اترجاهم يفتحون بطني
واقول لزوجي ماقدر خلهم يولدوني بعمليه واترجى الدكتوره وزوجي فاضي يقول ادعي لي ولنفسك ولاامك وخواتك واذا راحت الطلق دعيت واذا رجعت انقز من مكاني واصيح وارمي الكمامه واقول يارب بصوت عالي وهويقول ادعي وانا من شدة اللام اقول مابي ادعي يلف راسه ويضحك وبعدين اهدا واذا جات الطلق ارمي القبعه اللي حاطينها في راسي وهو يضحك كاني مجنونه من شدة اللام
ارمي كل شي حولي الحزام اللي في بطني والكمامه والممرضه تقول اتنفسي بقوه واخذ الكمامه واشفط كل الاوكسيجين وبعدين ارميه واصرخ وشكلي تحفه يضحك
وصارت الساعه 4العصروصار عشره سانتي والدكتوره تقول ايوه شدي شدي وانا مااركز من اللام الاسنان واللام الطلق مادري اشد من وين ههههه وزاد اللام واستعدو وجهزو السرير نزولو نصه وجابو العده واه اه اه اه
وطلع سعود اخيرا
وكانه حلم بس الحمد لله اني خلصت طلعت روحي
والله يهون عليكم كلكم ويقومكم بالسلامه 🙂