تدرون وش سبب ظهور التشققات تعالوا هنا وانا اقول لكم واعطيكم الحل بعد

😆 🙄 صراحه لاحظت كثير منكم يشتكي من التشققات الي في الجسم وبصراحه علاج اي مشكله يكون بمقاومتها قبل ظهورها يعني ليه نجلس الين تصير المشكله ونروح ندور على حلها عشان كذا قررت اعطيكم اسباب ظهور هالمشكله واهم حلولها وعليكم انتم انكم تطبقونها من دون تكاسل اوكي
اولا سبب ظهور المشكله عند معظم الناس وخاصة النساء:
ان اغلب النساء الان لا تهتم بترطيب جسمها بعد الاستحمام وتبقيه جافا وهذ الجفاف الدائم يتاثر بزيادة ونقصان الوزن في الجسم يعني تخيلو الجسم كان جاف دائما ومتخذ الحجم نفسه فجاه زاد الوزن ولا تنسون الجلد كان جاف وش بيصير؟؟؟؟؟
شي طبيعي ان الجلد بيتمزق وبتظهر تشققات في الجلد اللي هي عباره عن خطوط بيضاء تكون افتح من اللون الاصلي للجلد

طيب كيف يكون الوقاء من هالشي قبل ظهوره :

يكون بابقاء الجسم رطب دائما يعني بدهن الجسم وانا ارشح لكم زيت بيبي جونسون رائع جدا لا بقاء الجسم رطب

طيب واللي ظهرت لها وانتهى الموضوع كيف تقدر تتخلص منها ؟؟؟
انا اقول لكم كيف:
تعددت الاقاويل لكن الاضمن من هذي الاقوايل كلها طريقه مجربه لوحده اعرفها قالت لي:
حطي خل التفاح اللبناني في برطمان زجاجي وضعي معه لسان البحر المطحون راح يفور ويتفاعلون سوا اتركيهم ثلاث ايام وابدئي باستخدامه وادهني فيه جسمك كامل بالليل واذا صحيتي خوذي شور وبعدين ادهني جسمك بزيت بيبي جونسون لان الخل يخليه جاف
اتمنى الموضوع يعجبكم وانا بانتظار ردودكم