عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ودي اسال سؤال للفراشات
سبق وطرحناه في جلسة نسائية
واختلفت الاراء …
موضوع الرضاعه قدام المحارم!!
قالت واحده: عادي انا ارضع قدام اخواني ولا اغطي ولا شي لدرجة ان واحد من اخواني يبوس ولدي وهو يرضع بحضني!!!
قالت اخرى: لا انا اغطي صدري بمنديل او شرشف او غيره
قالت اخرى : انا اروح للغرفة الثانية ارضع وارجع
قالت واحده :انا زوجي صارحني انه يكره اخته ترضع قدامه خاصة انها ( دبة ) واحيان تنسى صدرها مفتوح وولدها قام من حضنها
قالت اخرى : انا ابوي زعل مني لما شافني مستحيه اطلع صدري قدامه عشان ولدي كان يبكي
قالت اخرى : اسكتوا شفت واحده بالسوق تنتظر وقت الاذان عالكراسي ودخلت ولدها تحت عبايتها وترضعه!!..منظر غير حضاري ومثير للفتنة وبعدين صدرها يمديه ( معرق ) من كرف السوق وتلوث ولدها:(
:::::::::::::::::
بالنسبة لي انا : مااحب ارضع قدام اخواني …. حتى ابوي اتحفظ …مو عدم ثقة استغفر الله لكن والله حياء شديد ….لدرجة اني دايم استغرب من خواتي الي يرضعون عادي ولاهمهم!!…سبحان الله خوات وكل واحده لها راي مختلف
وبيني وبينكم انا من الامهات الي يرضعون اولادهم اسبوعين فقط بعد الولادة…:) واحد منهم رضعته شهر ( انجاز 😆 🙂 ) وبعدين ينشف الحليب ولا يتحمل صدري شفط البيبي واحس بالم شديد
………….المايك لكم ياامهات يامرضعات
