تستخدمين عدسات طبية من focus أو جونسون؟ تعالي انتي مطلوبة

كيفكون صبايااا ^_^

فالبداية أحب أقولكم انه أنا الله يعافيني أستخدم عدسات طبية لأن عندي ضعف نظر ..
والعدسات الوحيدة اللي أرتاح عليها اسمها Focus .. وأحسها اوكي تثبت فالعيـن .. لأني مرة
وبناء على كلام ربيعتي .. قالت لي استخدمي عدسات جونسون لأنها وايد مريحـة.. بس أنا ما خذت
بكلامها مباشرة.. بس الله قدر مرة انه عدسات Focus ما كانت متوفرة فخذت جونسون كبديل..

بس الله العالم بالحال يوم خذت هالعدسات ما ارتحت أبداً لأنها طول الوقت تتحرك وأصلاً أحس بوجود
جسم غريب في عيني .. يعني العدسة نفسها وتدمع عيوني.. بس يوم أستخدم فوكــس عادي تثبت العدسة ولا أحس بوجودها…

هي مرة وحدة حطيتها في عيني ومباشرة طلعتها من عيوني لأني ما تحملتها أبداً ..
سبحان الله يعني ربيعتي ارتاحت على عدسات جونسون وأنا لا.. وسبحان الله أختي طلعت مثلي بعد ^_^

أدري وايد تكلمت بس أنا حبيت أشرح الوضع عشان أدخل في المفيد..

يعني حبيت أعرف إذا في وحدة تستخدم عدسات طبية من Focus .. شو من أنواع العدسات الملونة ارتاحت عليها؟
وإذا في وحدة جربت جونسون صار لها نفس اللي صار لي.. نفس الشي شو من العدسات الملونة اللي ارتاحت عليها؟

وسؤال عامـ .. هل العدسات الملونة نفس صلاحية العدسات الطبية يعني فيها يومي وشهري وسنوي؟ ولا شو بالضبط؟

وسؤال عام ثاني .. العدسات الملونة ممكن تكون طبية؟ يعني هل في أنواع لضعف النظر ؟

أدري طولت عليكم .. بس حبيت مساعدتكم لأني عمري ما خذت لي عدسات ملونة

لا تطنشون لو سمحتوا ^_^