عالم البنات النسائي كل ما يخص المرأة العربية من ازياء وجمال والحياة الزوجية والمطبخ
;)السلام عليكم
اهلين بنات اخباركم
..
لي كم يوم << الا كم شهر 😡
ودي اسوي تشيز كيك لأني ادمنت التشيز كيك اللي عند سعد الدين والله ياهي لذيذه حقتهم ..
((الله من السمنة ))<< الحياة قصيره خلينا نتهنى فيها 😆
ماشاء الله
المهم جيت ودورت على طرق تشيز كيك ولقيت وحده كاتبه عن تشيز كيك مثل سعد الدين جبت الطلبات بس ماادري احس ان فيه غلط وحامت كبدي لأن الطريقة فيها جلي ليمون ➡
قلت خليني اخربط يمكن يطلع لي شئ 😉
اول شئ هذي الصورة << عشان تتشجعون تسوونها
المقادير :
1-بسكوت دايجستف
2-زبده
3- حبتين دريم ويب
4- حبتين قشطة
6- ( 6 حبات كيري )
7- القليل من السكر .
8- كيك اي نوع بس يكون فانيلا لوزين او كيك ساريتا او امريكانا مقطع شرائح
9- علبة توت البنفسجي
10 – بس حاسبوا عند الكاشير 😥
المهم
الخطوة الأولى :
اول شئ طحنت بسكوت هذاك اللي غلافة احمر بسكوت دايجستف اعتقد مكتوب فيه بسكوت قمح ..
المهم جبت الطاحونه بطحن ويطحن نصة والنص لا .. تعذبت ماتسوى علي .. 😉
فكرت 😡 وش اسوي فيه قمت حطيت البسكوت داخل كيس البلاستيك حق اللحم ومسكته بيدي وجبت الملاس هههههههههه;) وضرب وضرب لين قال ربي الله ههههههههههههههه وانطحن بسرعه وطلع تمام التمام << الله يالدنيا يوم اني اطحن بالطاحونة ..
بس توبه مافيه الا طريقه الضرب احلا واسرع واوفر طريقه ..;)
<<< سوت قضيه على هالطحن
المهم بعد ماتطحينينه تحطين معاه زبده وتفغصينه ههههه
طبعاً الزبده تكونين مطلعتها من زمان يعني تكون لينه مره
بعد ماتفغصينها جيبي الصينيه حقت الكيك اللي تنفك من الجوانب ورصي البسكوت فيها وطبعاً رتبيه زين وخليه عالاطراف اكبر شوي اضغطية بيدينك (لاتنسين تلبسين القلوفز )
بعدين غلفي الصينيه وحطيها بالفريز
———————————–
الخطوة الثانية :
1- جيبي الخلاطة وحطي 6 كيري + حبه دريم ويب + قشطة + شوي سكر , السكر لاتحطينه الا بعد ماتخلطينه ذوقيه هو يحتاج او لا .
2- جيبي الخلاطة هذيك حقت الدريم ويب اللي تركبين لها يدين ثنتين << من زينك وصف
وحطي حبه قشطه + دريم ويب + عند الحاجه شوي سكر
واخلطي واخلطي واخلطي لين يكثر طبعا تروحين يمين يسار امام خلف حركه
دائريه حركه نص دائريه ( ترى اذا ماسويتي كذا ماتضبط هههه 😳 )
المهم لمن تخفقينه ويكثر ..
اخلطي رقم 1 مع رقم 2
وبعدين طلعي الصينيه من الفريز وحطي فيها شوي من الخطوة الثانيه يعني بس عشان يمسك الكيك بالكريمه ,, وبعدين حطي الكيك الفانيلا الشرائح وبعدين حطي باقي الخلطة حقت الخطوة الثانية وغلفيها ودخليها الفريز
ها ساعه ساعه ونص
طلعيها وحطي عليها التوت الازرق طبعاً تجيبينه من السوبر ماركت جاهز بعلبه صناعته امريكي الظاهر اسمه حشوه بالتوت – تحصلينها بجنب الكيك ومالكيك
وبعدين دخليها الفريز 10 دقايق خمس دقايق وبعدين طلعيها وقطعيها
( ملاحظة : ممكن تحطين بدال التوت فراولة او ممكن تكسرين او تطحنين اوريو وتحطين بداله .. او ممكن تجيبين منخال وتنخلين شوكلاته بودرة ….)
وبالعافية .. 😛
اتمنى تعجبكم ❗
بنات فضلاً لا امراً ردو بالموضوع ترا مايكلف والله ضغطه زر وبس واكتبوا كلمتين بس ههههه ان كان زينه او شينه المهم اكتبوا 😆 idea: << جت بذوق لأهل الذوق بس
ماكنت بنزل موضوع لأن يمكن الا اكيد احد قبلي كتب عن التشيز كيك بس قلت يمكن طريقتي تعجب البعض ..
ومابي الا دعوه منكم بس من قلب
ان ربي يرزقني بولد او بنت صالحين وسليمين الخلقه والخلق من دون زياده ولا نقصان
والله خاطري بولد او بنت 😐
والله حالتي مايعلم فيها الا الله
والله
( أضحك ودمعي حايرن وسط عيني 😥 )
دمتم بصحة وعافية ,,
