عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
كيفكم كروشاااات وي عليكم للحين تسحبون كروشكم خخخخخ
😳 <<< كاشخه ولدت
ابشركم ولدت ولدت ولدت واااااااو مو مصدقه 😥
كنت كتبت لكم الاسبوع اللي فات الاربعاء الصباح موضوع <<وطاااارت الولادة>>
اللي مسنترات بالقسم يمكن مروا عليه 😳
ماتصدقون شصار بعد ماكتبت الموضوع 😥
خلاصه اللي كتبت اني رحت للمستشفى وكان فيني طلق بس الرحم طلع متسكررر ورجعوني
وتحطمت وكتبت لكم
ولما قفلت الجهاز كانت الساعه 9 الصبح قلت بروح انام وارتاح 🙁
الا ويرجع لي طلق نفس اللي امس 💡
قلت بغسل بحلتيته وان شاء الله يخف علي
وغسلت…….. و مانفع ➡ قلت بروح اتبخر بمره <<< مدري من وين جتني هالفكره
قمت وتبخرت
والطلق ماوقف ولا خف علي 😐
اتصل علي زوجي وقال هااااا مافيه ولاده
قلت مدري يجيبها ربي 😥
قال لي انه معزوم اليوم واذا ابي اروح وياه ولا اقعد بالبيت
قلت هاااا اليوم الاربعاء والناس طالعين ومبسوطين وانا بحبس روحي بالبيت
قلت لزوجي احس اني تعبانه الحين لا خفيت رحت وياك
ولما قفلت منه قلت بنفسي ليه مااروح للمستشفى واذا قالولي الرحم متقفل ضفيت وجهي ورحت مع زوجي للعزيمه
والطلق ماااازال
واتصل على زوجي بعد صلاة الظهر قلت تعال شكلي بووولد خخخخخ
قال يللا جايك طاير <<< مايصدق علشان يتهرب من العمل
وصلني الساعه 2 الظهر ومشينا للمستشفى
ولما دخلت شافتني نفس الدكتوره اللي من امس كاشفه علي
قالت خير مدام خلاص فيه مويه ؟؟ دم؟؟
قلت لا بس الم الم الم
قالت تيب وكشفت ……….. ❗
الا وتطير عيونها فيني مبروك مداااام الرحم 5 سانتي مفتوح ولاااااااادة
عاد انا دوروني ماتلقوني من الوناسه <<< يا عمري ماتدري وش اللي بيجيها
قلت اكييييد قالت ايه اكيد ان شاء الله المغرب انتي ولاده
واتصل على زوجي واقوله << ماعاد ادري شقول قلت ابشرك بولد
ويجي طاير للغرفه ماقدر يصك خشته من الونااااسه <<< قرب الفرج
والحمدلله جلست 7 ساعات وولدت
لا تسألوني كيف الولاده ؟؟
شيء لا يوصف مدري شلون صارت << أكشن>>
الحمدلله كان وززن البيبي طبيعي وتيسرت الولاده بس الطلق طول معاي شوي
وجبت بنووووته عرووووسه قمرررررر الله لا يحرمني عيونها اللي طايره فيني الحين خخخ
ووووبس
حبيت انقل اللي صار معي لانكم كنتم وياي آآخر الايام
وعقبال كل الكروشااات الخلاص والفكه بالسلامه<<<يا عيني على التعبير
………………………………
دعواتكم لبنتي بالهدايه والصلاح
سلااااامو
