عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ..
خواتي أنا عندي استشاره بسيطه صديقتي عزيزه علي بالمرره وستشارتني بموضوع وبصراحة
حيرتني معاها واستأذنتها أنزل الموضوع بالمنتدى لعل نلقى منكم راي سديد وحبيت أنزل الموضوع
في هذا القسم كون انكم زوجات وأمهات وعندكم تجربتكم مع الأزواج والأبناء والرجال بحد الخصوص في
جميع مراحل حياته ..
معليه طولت عليكم ..السالفه ياطويلات العمر :
هذي صديقتي مطلقة ومعها بنت وعمرها 31 هي مايتقدملها أحد أبدا >>تخيلوا معها هالشعور
غير واحد تقدملها وانسحبوا من المكالمه بعده ماصار شي ..
الموهيم حرمه قالتلها عندي واحد أعرفه هذي مواصفاته اذا تبينه قوليلي أذكرك له يعني يمكن حتى
لواذكرتها له فيها يقول تم وفيها لا ..الموهم مواصفاته وهنا مربط الفرس :
مطلق ثلاث حريم وعقيم مايجيب عيال الحرمه الأوليه طلبة الطلاق تبي عيال وطلقها
الثانيه أخذها معها عيال مدري ثنين مدري ثلاثه وتقول ماأدري وش صار فيهم وطلقها
الثالثه تقول صديقتي انها قالتلها وش سبب طلاق الثالثة بس صديقتي هي نست
طبعا هو على كلام الحرمه انه يقول أبي وحده تقبل فيني وأنا عقيم وميخالف يكون معها عيال
بدلعها هي وعيالها الي فهمته صديقتي انه يبغى العيال يونسونه وأحطلها بيت وشغاله وسواق
مع العلم ان عمره خمسين على كلامها اذا موأكثر و وظيفته حلوه ..أهي محتاره
ناس قالولها حرام توك صغيره وزياده على كذا مامعك الا بنت لو اثنين ولا ثلاثه كان أهون
حتى انها قالتلها أكيد مافيه عيال قالت ايه أبد مافيه عيال طيب وشرايكم هذي عيوبه هذي حسناته
وش رايكم هذي صديقتي عندي بتسمع أرائكم .. وجزاكم الله خير..
