عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم كروشات
اخباااركم ياعسولات؟
انا بقولكم انا اول ماحملت طلع بجسمي حبوب كثيره خصوصا بخدودي ووجهي طبعا انا بشرتي جافه وحساسه وسمرت علي كثييييييير
المهم بديت استخدم قناع الزبادي والخيااار والحمدلله بدت بشرتي تصفى شوي شوي وصرت اغسل بشرتي بصابونة البابايا مر ه وحده باليوم لما اجي انام
وبعد فتره طلعتلي قشور في منطقة الذقن ورحت مشغل ومن حظي لقيت خبيرة تجميل تركيه اشتغلت عند زوجة الامير فيصل 5 او 4 سنين ع ما اظن ونصحتني ادهن منطقة الذقن بزيت اللوز المر وقالت اذا استمريتي كل ليله تدهني بشرتك راح تصير بشرتك مخمليه ومع المكياااج بتصير بيرفكت عاد سمعت كلامها والله بشرتي تغيرت كثير
المهم بقولكم تبتعدوا عن التقشير وخصوصا الكميائي والكريمات الكميائيه خليكم ع الاشياء الطبيعيه
بالنسبه لبشرتي فهي جافه وحساسه ومختلطه وتبهذلني
عشان كذا اسبوعيا اسوي قناع العسل وهو عباره عن عسل طبيعي100% ادهن فيه وجهي واحيان ارقبتي واخليه من نص ساعه لساعه وبعدين اغسل وجهي بمويه فاتره وبعدين بارده وبعدين امسح وجهي بقطنه فيها موية ورد وهكذا
وبعد يومين استخدم قناع الزبادي والعسل وملعقة وسط عصير ليمون فرش واخلي القناع 40 دقيقه ع بشرتي واغسل القناع واحط موية ورد وهكذا
طبعا بالنسبه لشعري فأحط عليه زيت دابر املا والشامبو استخدم دوف
بصراحه انا مهمله شعري بس الحمدلله مو خربان لاني ما استخدم نهائيا الاستشوار فللحين انا راضيه عنه
بالنسبه لجسمي فهو جاااف جدا لذالك انا استخدم الصنفره وهي عباره عن زيت زيتون مقدار كوب +ملح ناعم+سكر خشن اخلطهم جميعا واحطه ع جسمي نص ساعه بعدين افرك جسمي حركه دائريه بعدين افرك جسمي بصابونة البابايا والليفه الناعمه مو الخشنه واتسبح عادي والله اللي بتجربه بتدعيلي لانكم بتلاحظون شي يجنن ع البشره صفاء ولمعه ونعومه وبتصيروا قطنه والله زوجي يقول بشرتك قطنه المهم استمروا ع الصنفره هذي مره وحده بالاسبوع
بالنسبه لي انا سويت تقشير قبل زواجي في العيادات المتخصصه لركبي واكواعي ومع الحمل تخشنت علي واستخدمت كريم مخصص لهم صرفته لي دكتورة تجميل اسمها نازك في مستشفى الاسره
وراح اوريكم صورته لاحقاً استخدمه حسب الحاجه
وبالنسبه لشفايفي افضل استخدام الفازلين او العسل كل يوم بس بالنسبه لي استخدم كريم للشفايف من نكتار وسعره55 ريال اسمه miss nactarوشوي بوريكم صورته
بالنسبه لطريقة ازالة المكياج افضل استخدم قطنه ناعمه واحط فيها ملك للبشره هو حليب شفته مره في مركز لبنى عند خبيره للبشره او ممكن تستخدمي اي كريم ناعم للبشره يساعدك تنظفي البشره من المكياج بنعووومه مثل لوشن بيبي او جرنجنز بالخيااار
وقبل ما احط المكياج وقبل لا اطلع من البيت لااااازم احط واقي الشمس اهم شي لازم يحتوي على فوتوسكرين+50 لان هذا اهم شي طبعا الواقي اللي يحتوي ع هالماده غالبا سعر الكبير 100 والصغير 50 ريال واحلى شي فيه انه يحتوي ع كريم اساس يعني واقي واساس بدون مايأثر ع بشرتك واهم حاجه كل ساعتين حطي منه عشان ماينتهي مفعوله
طبعا لأيديني استخدم كريم جليسويد اللي علبته طويله بس قبل احط ع ايدي واقي بعدين الكريم عشان ماتسمر من الشمس وممكن تستخدموا كريم افالون للايدي اللي فيها اكزيميا او جافه لانه ممتاز جدا
بالنسبه للوشن اللي استخدمه لما اطلع من الحمام فأنا استخدم لوشن بيبي حلوه ريحته انسيابي ع الجسم بسرعه يمتصه الجسم
وبالنسبه لكريم العرق انا استخدم فيبكس سعره 14 ريال افضل الاخضر عن الازرق
الحلو فيه مايخلي فيكي ريحة عرق لمدة 7 اياااام يعني بيطول عندك بالنسبه لي من يوم تزوجت لهاليوم ما اشتريت الا 1 وللحين معي اهم شي يكون الابط مافيه شعر عشان الكريم يدخل بالمسامااات
والحين بنزلكم صور للمنتجات اللي استخدمها
