عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا
ابعطيكم نبذة مختصره عن زوجي علشان تلقون حل لي
زوجي انسان محترم ويخاف الله وماشاء الله تبارك الرحمن مو مقصر معنا ابد اذا طلبت الالف عطاني الفين
حتي يوم غلطوا اهله علي وقف معي وبنى لي بيت لحالي
ولاصرت تعبانه يشيل همي ويتضايق
ومرة تعبت كنت مسافره لاهل زوجي وجاء البرد وانا ماحسبت احسابي وتعبت وداني زوجي لسوق علشان اشتري لكن تعبت زيادة وماقدرت اشتري
والله الي مانساه نزل جواربه من رجله وعطانيها علشان البسها ونزل جاكيته وغطاني فيها بسياره وهو ينزل يجيب اغراض بدون شرابات ولا جاكيت
والان اتعالج علشان تاخر الحمل والله اذا حللت وطلع مافيه حمل وتضايقت وربي مايوقف بجنبي الا هو ويخفف عني
بتقولون وين المشكله
المشكله انا وزجي مختلفين على سالفة السفر خارج المملكه مع اصدقائه
انا زوجي واثقة فيه وعارفته زين حتى اصدقائه ماشاء الله عليهم وعرف زوجاتهم بعد
الي يقهرني يقول زوجي انا ماقتنع في سفر المرأة برى 😐 😆 🙂
واذا جاء طاري انهم يخططون انهم بيسافرون برى وربي انقهر وزعل ليش الانانيه هو يسافر برى وانا لا
يقول اختاري المدينه داخل السعوديه وانا اوديك لها
لكن برى مستحيل
كل مدن السعوديه رحت لها
وبعد المحاولات وزعل علشان يطلع لي جواز وداني وصورني
وثم رجع ورفض
يقول مستحيل اعطي صورتك للموظف
والحين صوري لها سنتين عندي وهو رافض
ويقول زوجات اصدقائي ليش مايزعلون مثلك
زوجاتهم الي هن صديقاتي مشاء الله ماخلن ديره خارج السعوديه مارحن لها
واذا اجتمعنا قعدن يتكلمن بمغامراتهن وسفرتهن وين راحن وش سوون
وانا جالسه مستمعه
وقلبي يتقطع على اسفر
والي يقهر يوم صورت وريتهن صوري فرحانه
وزوجي احرجني وماسواه لي 👿
وانقهر لقالوا ليش ماتسافرين ولا وين جوازك مسويتيه
وحنا لنا نفس المستوى المادي بس هم يسافرن برى ونا لا
والله اناس تفرح في الاجازة وانا مقهوره
ليش زوجي حلال السفر عليه وانا لا
انا وش ذنبي كل عطله مكسور خاطري وانتي تشوفين الي حواليك مسافرين برى
شلون اقنعه مايسافر لحاله وياخذنا معه
والله عادي اذا كان بيسافر مع اصدقائة ماعندي مشكلة لان كل وحدة تعرف زوجها زين وانا الحمدالله واثقة فيه
بس ليش الانانيه هو يروح وحنا لا ليش اذا رجع مايسفرنا برى
داخلي مابغى لاني رحت لكل شي
الي تلقى لي حل وربي لاتصدق عنها ودعيلها بسجودي
يمكن تشوفون مشكلتي عاديه لكن انا مضايقتني
