تعالوا شوفوا اخت زوجي وش سوت

السلام عليكم
كيف حالكم ؟
يا خواتي احس بضيقة وقهر فحبيت افضفض لكم عن اللي بخاطري يمكن ارتاح والقى عندكم المشورة والنصيحة
انا عندي اخت زوجي متزوجة واكبر مني بسنتين تغااااااااااااااااااااار مني بالمرة وتحاول تقلدني بكل شي حتى بكلامي مثلا لما اقول اني تمشيت انا وزوجي تقول حتى انا ذاك اليوم تمشيت مع زوجي وكذا يعني
وانا اطنش بس قبل يومين جاني منها موقف يقهر حيل اتمنى تفسروا تصرفها هذا يدل على ايش
انا عندي طفل عمرة 6 شهور وجدتة اللي هي خالتي ام زوجي تحبة كثير ودايم تقول لنا جيبوة مشتافة لة
فاتصل زوجي عليها وقال الحين نجي نجلس عندكم شوي وبعدين نروح مشوار ونخلي الولد عندكم فقالت خالتي اللي هي ام زوجي خلص فرحنا عنهم وجلسنا ساعة وبعد اذان العشاء قلنا لهم الحين بنروح مشوار ونخلي الولد عندكم ونرجع بعد ساعتين ناخذة
وكانت عنده بنتهم ( اخت زوجي اللي ترفع الضغط )
لمهم طلعنا وهي نظرات الغيره والحقد بعيونها وما صار لنا نص ساعة من طلعتنا الا تتصل اخت زوجي الكبيرة على جوال زوجي وتقولة ولدكم يصيح تعالوا خذوة المهم رجعنا اخذناة واجلنا الطلعة ليوم ثاني
لما صار ثاني يوم رحت سهرت عند اهل زوجي وقلت لاخت زوجي الكبيرة اللي اتصلت علينا لية لما بكى ولدي اتصلتي عليناكان لما بكى نومتية او رضعتية وهو يسكت ماله داعي تخوفينا علية
قالت انا والله ما كنت ابي اتصل واخرب طلعتكم بس لما جلس يبكي قالتلي اختي ( اللي افول لكم عنها انها ترفع الضغط)
اتصلي عليهم قولي لهم ولدكم يبكي تقول وانا قلت لا ماني متصلة تقول بعدين خذت الجوال ودقت الرقم وحطت الجوال عند اذني خلتني اكلمكم غصب
بالله وش رايكم بتصرفها يرفع الضغط او لا ولو انكم بمكاني كيف تتصرفون معها