تعالوا شوفوا ايش حصلي من ابر البلاسنتا .. غريب بجد

هذا رابط موضوعي عن ابر البلاسنتا

http://satfrequencies.com/girls/alfrasha10/thread1072514/

بنات انا عندي سؤال ..

احنا ليه كذا .. ليه اخلاقنا وصلت لهنا .. ليه معد نحب الخير لبعض ونهاجم بعض ..

شوفوا موضوعي وشوفوا الردود .. انا والله والله على شهيد اني مالي دخل من الموضوع غير توعيه لكل باحثه عن البياض انا كنت في يوم من الايام مثلكم ابحث عن البياض وماخليت شي ما استخدمته لحد ماحرمت وعرفت نظام المنتديات اغلبه يا كذب من مندوبات يألفوا قصص عشان يشدوا البنات لمنتجاتهم او بنات ماعندهم اي خلفيه عن الموضوع يحطوا آراءهم ناسين او متناسين ان البنت الباحثه عن البياض راح تقرأ كلامهم بكل جديه وتنفذه وممكن النتيجه تكون انها تخسر فلوسها وصحتها على اوهام انا تعاملت مع مندوبين كثير واحد نصب علي وباعني حبوب الدايموند تقليد و وحده عطتني ابر السالوتا ب5900 ريال للكورس الواحد الله لا يحللها ولا يبيحها في ريال اخذته و وحده عطتني حبوب الوايت سيكرت وانا اشتريت من امريكا حبوب الجلوتاسي كلها مانفعت ابيكم تتخيلوا لما انسانه تقعد مخطوبه وتاجل في زواجها كل مره عذر لانها قاعده ينصب عليها حتى الملكه كنت اجلها لاني اخاف املك وينطلي كل يوم وش بسوي بلوني ولما جربت آخر الحلول المتاحه وحطيت صوري عشان تعم الفايده تكون النتيجه كذا اللي تقولي ماتخافي الله حاطه صورك في منتدى يدخله رجال انا يا اخت يمكن اكون اخاف الله وعند الله افضل منك باعمالي وانما الاعمال بالنيات ولا لي اي مصلحه من الموضوع غير طلبي منكم الدعوه الصالحه انا موضوعي دخلوا فيه مندوبات وعرضوا يوفروا الابر ما علقت ولا قلتلهم ليه تتوقعوا لو انا مندوبه بسمحلهم يعملوا دعايه لنفسهم على حسابي وفي موضوعي لا والله ما هموني انا كل همي البنات اللي وضعهم مثل وضعي ويبغوا شي حقيقي صادق انا ممكن خلال شهرين معد تلاقوني موجوده في المنتدى بكون تزوجت ورحت لحالي ولهيت في حياتي ولا حكون فاضيه ارد على مواضيع الغرض من موضوعي كان التوعيه فقط لاغير ..

ليه يابنات في الدول الاجنبيه والمنتديات الاجنبيه البنات احسن مننا لما ينصحوا بعض ينصحوا بعض بالحق واللي مايكون عندها خلفيه تكتفي بعدم الرد او الاعتراف ان ماعندها خلفيه والله والله في كوافيره تحكيلي انها لما تبغى تبيع بضاعتها تقدر تبيعها على كل العيله بطريقتها قلتلها كيف قالتلي بقولك وما تزعلي انتوا السعوديات تغاروا من بعض انا اروح للبنت واقولها بنت خالتك اخذت مني ترد البنت وتقولها عطيني انا ابي اكون احلا منها ولما يكون عندهم مناسبه كل وحده تقول خليني احلا من فلانه والثانيه تطلب تكون احلا من علانه وربي ماعرفت ارد عليها وجواتي مية سؤال احنا ليه كذا ليه وصلنا لكذا ..