عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كما عهدناكم في هالمنتدى الكل يساعد ويشارك ويخفف عن اخواته الثانيات
الله لا يحرمكم الاجر ويرزقكم اللي تمنونه وخصوصا اللي ترد<< محايزه
انا سالفتي سالفه وابيكم تشورون علي وهذي بدايتها
انا لساتني عروسه مالي سنه مع زوجي
المحروس افندي دايم يقولي انتي طيبه مافيك كيد النساء عالعموم ..
لاحظت رقم غريب يدق على جوال زوجي باسم( المزعج) ماكنت اركز لانه قالي في فترة الملكه ان تجيه ارقام غريبه ورسايل مزعجه كنت اقرا رسايل منها
-وحشتنييييي موووت
-وينك اعرف انك في البيت بس ليش ما اتصلت
-انا تابعت المباره اليوم عشانك تشجع هالفريق وفرحت لمن فاز
ورسايل اكثر من كذا (وطبعا انا أقرا وأمسح وحتى زوجي ساعات اسمع نغمة الرساله واقوله مين ويقول زميلي وارجع افتح بعدين القى الرساله ممسوحه واشوف السجل والقى نفس الرقم “انبط كبدي بط”)
لكن قلت مو معقوله زوجي خاين وكمان كل الرسايل ممكن تكون من رجل وليس انثى مافي تاء التأنيث بالرساله وأقول في نفسي زوجي يحبني ويموت فيني مو معقوله وأطنش اليــــــــــــن ماجات ليلة العيد حيث كانت الكارثه لاني قريت رساله من طرف هالرقم محتواها..
دبدوبي انا لي اكثر من سنه وانا أكلمك وانته لسه ماعرفت لمن اكون زعلانه او متضايقه احب اسكت ……
وكتبت بهذا المفهوم لا تسيبني او خلك بجنبي
والله كانت زي الصاعقه عندي بس ابكي وادعي طيب ليش في ليلة العيد ليه مافرحت زي كل العرايس اول عيد يمر لي مع زوجي زي كذا
تخيلوا يابنات حرمه ترسل لزوجك هالرساله وش بيكون موقفك (الله يحمي رجالكم لكم)
انا تجننت وقتها والله على ما اقول شهيد لاني احبه بجنون
وكنت اردد بنفسي بيت شعري يقطع قلبي من جوهـ
لاتأسفن على غدر الزمان لطالما * * رقصت على جثث الاسود كلاب
كان لهالبيت تأثير عليه واحسه انقال على حالتي
المهم استحميت وطلعت من الحمام وكتبت عالمراية اغار عليك وبس عيوني تدمع وهو يقولي اش بك
لكن اقوله متضايقه ولا جبت سيره له
في اول يوم بالعيد تبون تعرفون اش صار أكمل لكم او لـ هنا وخلاص……
القرار الان لكم
هل تريدون ان اواصل قصتي المأساويه
