عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مــسآآء الخير لكل الفراشآآت
كيفكم .. ان شاءالله تكونوا في افضل حــآآل …
اختكم في الله بنت مثل اي بنت تحب تهتم بنفسها من زمان واللي خلاها تضاعف الاهتمام انها صارت عروس وع وجه زواج > هذي مقدمه بس مالها دخل بالموضوع ….
من كم يوم اشتريت لي ساونا وانا بحثت وسألت عنها وعن مساوئها واعرف انو صار حالات اغماء كثيره للبنات بسبب الساونا بس قلت انا متعوده ع الحراره مااتحمم الا ودخان المويا كاتم لي الحمام ,, وقلت انو البنات اكيد داخلين ع جوع وعطش …
8
8
8
امس جهزت عدتي من خلطات وليفه وصابون مغربي وغيرها ودخلت فيه ع بركة الله وانا كنت شوي جوعانه واجلس فيه تقريبا ربع ساعه .. وبديت افرك بجسمي بكل امانه وماتوقعت اللي بيصير لي بعدها … والحمدلله ع كل حال …
في تلك الاثناء حسيت بدوران فضيييييع وطلعت منو بسرعه وفصلتووو 😎
وجلست ابكي اقول وش ورطني فيه … يازيني بس حلوة به والا بدونه ..
اول شي سويته اول ماطلعت منو توجهت للبانيو وافتح المويا ع معتدل واغسل جسمي بسرعه طبعا تكسرت من كثر الطيحات اللي بالحمام جسمي مورم الحين ياهي كدمات وياهي جروح مدري من فين انجرحت وفيني ضربه قويه بصدري والله مره يألمني مانمت منووو حتى لونو صاير بنفسجي ورجولي ماني قادره اوقف عليها وطحت كمان ع راسي وكنت حاطه بكله كبيره من ورا مرررره تألمت منها … هذا كله وانا جالسه اخذلي دش سريع ع اساس اني اساوي حراره الدم بالجسم كلووو …
وطلعت بسرعه وقلت انا كمان فيني جوع واكل بسكوتي المفضل واسترخيت يمكن ربع ساعه وبعدها الحمدلله خفت الدوخه وبديت احس بآآلآآآآآآآآم فضيعه بجسمي واطالع جسمي مليان دم 😆 🙂
بس للحين ماعرفت وش هو الشي اللي جرحني:)
والله العظيم مرت عليا الساعه هذي كأنها حلللللم اشوف الدنيا تلف لفففف مو طبيعي وما ابغى اصارخ واخوف اهلي عليا ….
بس الحمدلله هذا الدرس كان عظه وعبره لي علشان ما ادخل الساونا وانا جوعانه > لسا ناويه تدخل ثاني ^^
والاهم للمبتدئين بالساونا انهم مايجلسوا فيه اكثر من خمس دقااايق ومع كل مره نزيد المده شوي الى ان توصل نصف ساعه …..
يلا قولوا لي الحمدلله ع السلامه … والله يشفي جروحي ويهون عليا الالم ….
وان شاءالله تستفيدوا من غلطتي ومايصير لكم نفس اللي صار لي ..
